Avdelingsleiar

Om arbeidsstaden

Kommunalområdet oppvekst er ei eining med omlag 145 tilsette, og blir leia av kommunalsjefen. I denne eininga inngår Austevoll ungdomsskule, Storebø skule, Selbjørn skule, private barnehagar, PPT-kontor, helsestasjon, barnevern, vaksenopplæring, kulturskule og bibliotek. Oppvekst har som mål å legga til rette for gode oppvekstvilkår for barn og unge, difor er folkehelsa og livsmeistring eit av fleire satsingsområde.

Selbjørn skule er ein barneskule med om lag 150 elevar og 35 tilsette. Vi held til i flotte omgivelser i Bekkjarvik. Skulen har gode undervisningsrom, idrettshall, kultursal, flott musikkavdeling og stort uteområde.

Vi er med i Trivselsleiar-programmet, som er det største programmet i Skandinavia for aktivitet og inkludering i barne- og ungdomsskule.

Og veit du at dersom du bur i Austevoll kan du få sletta studiegjeld? Bur du her kan du kvart år få sletta kr 25.000,- av studielånet ditt. Dette er nytt frå januar 2025, sjå meir informasjon om ordninga på Lånekassen si heimeside: Sletting av gjeld i utvalgte kommuner

Om stillinga

Som avdelingsleiar ved Selbjørn skule får du ei sentral rolle i leiarteamet. Stillinga inneber ansvar for den daglege drifta, inkludert personalansvar med oppfølging, rettleiing og medarbeidarutvikling. Avdelingsleiar skal leia og vidareutvikle det pedagogiske arbeidet i tråd med gjeldande styringsdokument og skulen sine satsingsområde. Stillinga har også eit ansvar for systematisk arbeid med elevane sitt læringsmiljø, og skal bidra aktivt til å sikre eit trygt og godt skulemiljø for alle elevane.

Personalansvar for tilsette:

• Medarbeidarsamtalar
• Fråvær – og sjukefråværsoppfølging
• Kompetanseutviklingsplanar
• Rettleiing
• Utvikla gode rutinar for digitale system
• Rullerande ansvar for vikarar
• Nytilsette

Dagleg drift og fagleg-pedagogisk utviklingsarbeid:

• Samarbeid og fagleg pedagogisk utviklingsarbeid
• Koordinera samhandling med interne og eksterne samarbeidspartnarar
• Heim – skule samarbeid
• Legge til rette for og følge opp kartleggingsprøvar, nasjonale prøvar og elevundersøkinga
• Elevane sitt skulemiljø, særleg § 12 i opplæringslova
• Inkluderande læringsmiljø

Kvalifikasjonskrav

• Godkjent lærarutdanning
• Leiarutdanning/leiarerfaring er ein fordel
• God IKT-kompetanse
• Erfaring frå spesialpedagogisk arbeid
• Gode ferdigheiter innafor klasse-/læringsleiing og relasjonsleiing, samt skuleutvikling
• Kunnskap om førebyggande arbeid og tidleg innsats
• God skriftleg og munnleg framstillingsevne
• Internasjonale gradar må vere godkjent av NOKUT

• Du er fagleg engasjert, likar utfordringar og tek initiativ til å jobba fram forbetringar og gode løysingar
• Du har gode samarbeidsevner og relasjonskompetanse, er tydeleg og kommuniserer godt og respektfullt med elevar, føresette og tilsette
• Du er sjølvstendig, men også samarbeidsvillig og løysingsorientert
• Du er ein lagspelar som jobbar systematisk
• Særlege krav knytt til stillinga:

Vi gjer merksam på at det vil bli krevd politiattest ved tilsetting. Politiattesten skal ikkje leggast ved søknadspapira, men framvisast ved oppstart.

Vi tilbyr

• Moglegheit for fagleg utvikling i eit fagmiljø i utvikling
• Spanande utfordringar
• Som avdelingsleiar i Austevollskulen må du pårekna noko undervisning som ein del av stillinga
• Gode pensjons- og forsikringsordningar 
• Lønn etter avtale

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.