Lærarar - Høyanger skule

Høyanger skule er ein 1-10 skule og har ledig 400 % faste lærarstillingar frå 01.08.26.

Krav til søkjarar:

Felles for alle stillingane er at søkjarar må ha godkjent undervisningskompetanse for grunnskulen.

• Stilling 1: Lærar i kunst og handverk. 60 stp i kunst og handverk eller anna relevant utdanning
• Stilling 2: Lærar for innføringsklasse. Ønskjeleg med norsk for framandspråklege.
• Stilling 3 og 4: Lærarar 1.-10. med minimum 30 studiepoeng i eitt eller fleire basisfag. Andre fagønskje er musikk og spesialpedagogikk. Det er ønskjeleg at desse kandidatane kan ta på seg kontaktlærarfunksjon.
• Det er eit stort føremon om søkjarar har erfaring frå klasseleiing.

Søkjarar må spesifisere kva for stilling dei søkjer på.

Personlege eigenskapar:

• God digital kompetanse
• God relasjonskompetanse
• Fagleg engasjement
• Fleksibilitet
• Gode samarbeidsevner

Vi søkjer deg som er engasjert i utvikling av Høyanger kommune og likar å finne løysingar i samarbeid med andre. Vi er opptekne av god service til innbyggjarane våre. Det må du også vere!

Kvifor søkje hos oss?

• Høve til kompetanseutvikling
• Lokal avtale om ”Kompensasjon for erverva kompetanse”
• Flyttegodtgjersle etter kommunalt regulativ
• Lønn etter gjeldande tariffavtale
• Gode pensjons- og forsikringsordningar

Presentasjon av Høyanger som bu- og arbeidsområde:

Høyanger kommune har store mogelegheiter inn i det grøne skiftet og mot sirkulærøkonomi. Industristaden Høyanger har rein, fornybar vasskraft og vi har infrastruktur som topp moderne industrianlegg.

Vi satsar på kultur og folkehelse, og vi dyrkar samspelet mellom det profesjonelle, kommunen og dei frivillige. Vi jobbar for å skape eit inkluderande og aldersvenleg samfunn, med fokus på universell utforming og gode møteplassar.

Vi har som mål å styrke attraktiviteten til kommunen, og sikre at det er godt å både bu, besøke og å drive næring i heile kommunen. Her kjem du inn i bildet!

Kvifor Høyanger?

• Stor aktivitet innanfor næringslivet med fokus på det grøne skifte og sirkulærøkonomi

• Eit rikt kultur-, lag- og organisasjonsliv

• Fokus på samskaping og samarbeid

• Topp moderne treningssenter, ski- og turløyper, idrettsanlegg, symjehall m.m.

Lurer du på korleis det er å jobbe hos oss på Høyanger skule eller korleis det er å bu i Høyanger kommune? Ta kontakt med Erik Veum på telefon 97073335.

Lurer du på kva du kan gjere på fritida i Høyanger kommune? https://hoyanger.friskus.com/events

Politiattest må leggast fram for dei som blir tilsette.

Vi gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Ønskje om å bli unntatt offentlegheit må handsamast i tråd med reglane i offentleglova.