Ledig fast stilling ved tildelingskontoret

Ledig fast stilling ved tildelingskontoret

Vil du vere med å forme morgondagens omsorg i Vågå kommune? Vi søkjer etter ein saksbehandlar til 100% fast stilling ved tildelingskontoret. Vi styrkjer laget, og når du er på plass, har tildelingskontoret 2,6 årsverk.

Tildelingskontoret er kommunen si sentrale eining for mottak, vurdering og vedtak av helse- og omsorgstenester. Kontoret gjennomfører faglege vurderingar av behov, behandlar søknader og fattar vedtak i tråd med gjeldande lovverk og kvalitetssikringskrav. Arbeidet skjer i tett dialog med brukarar, pårørande og tenesteeiningar for å sikre heilskaplege, forsvarlege og samordna tenester.

Stillinga er organisert direkte under kommunalsjef for helse og meistring.

Det er ynskje om snarleg oppstart.

Arbeidsoppgåver:

• Ansvar for saksbehandling av saker innan helse- og omsorgstenester. Derunder kartlegging av bistandsbehov og fatte enkeltvedtak.

• Sikre pasient- og brukarrettigheitar i saksbehandlingsprosessen.

• Systemansvarleg for kommunen sitt pasientjournalsystem.

• Gi råd og rettleiing til søkjarar, pårørande, kollegaer og samarbeidspartnarar.

• Samarbeide tett med pasient/brukar og pårørande for å finne gode løysningar.

• Samarbeide tett med andre tenester i vurdering og tildeling av tenester .

Andre oppgåver kan bli lagt til stillinga. Kvalifikasjonar:

3-årig utdanning frå høgskole/universitet innan helse- og sosialfag eller

autorisasjon som helsefagarbeidar .

• Lengre relevant erfaring kan kompensere for manglande utdanning.

• Har tydeleg framstillingsevne både munnleg og skriftleg

• Har gode norskferdigheiter både munnleg og skriftleg (minimum tilsvarande nivå B1)

• Førarkort kl. B.

• Relevant praktisk arbeidserfaring frå helsesektoren er ein fordel

• Erfaring innan saksbehandling av kommunale helse- og omsorgstenester, og kjennskap til aktuelle lovverk og forskrifter er ein fordel.

• Kompetanse og erfaring med pasientjournalsystem er ein fordel

Vi ser etter deg som:

• Evnar å arbeide målretta, strukturert og effektivt både individuelt og i team.

• Evne å arbeide sjølvstendig og prioritere arbeidsoppgåver i ein til tider hektisk kvardag.

• Har gode samarbeidsevner.

• Er løysningsorientert med heilskapleg tilnærming i arbeidet

Personlege eigenskapar vil bli tillagt stor vekt.

Vi kan tilby:

• Eit spennande arbeidsfelt i stadig utvikling.

• Gode moglegheiter for personleg og fagleg utvikling.

• Eit godt fagmiljø og gode kollegaer.

• Fleksitid.

• Pensjonsordning via KLP.

• For deg som ikkje kan dagpendle, kan kommunen vere behjelpeleg med bustad i ein overgangsfase.

I søknaden ber vi deg kort beskrive korleis din bakgrunn og dine personlege eigenskapar passer til våre krav og ønskjer for stillinga.

Administrasjonsspråket i Vågå er nynorsk.

Løns- og arbeidsvilkår etter gjeldande lov og avtaleverk.

Ved tilsetting vil vi krevje godkjent politiattest som ikkje er eldre enn tre månadar.