Politibetjent 3/2/1 med funksjon som etterforskar

Om stillinga

I Vest politidistrikt er det ledig ei eller fleire faste stillingar som etterforskar for avsnitt for etterforsking av valdslovbrot (mishandling i nære relasjonar og grov vald). 

Avsnittet består av 3 team med fleire etterforskarar som blir leidde av ein teamleiar. Avsnittet etterforskar alvorlege og prioriterte straffesaker, og består av faglege dyktige medarbeidarar som arbeider tett saman i eit godt fagleg og sosialt miljø. Avsnittet er mellombels plassert saman med Felles eining for etterretning og etterforsking, avsnitt for drap og grov vald mot barn, og deltek ved behov i etterforsking av slike saker. 

Vest politidistriktet er i endring, og det blir teke atterhald om at organiseringa kan bli justert.

Som ein del av politiet sitt viktige samfunnsoppdrag, skal me og nedkjempa kriminalitet, skapa tryggleik og vareta rettstryggleiken. Me trur at mangfald bidreg til betra oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil me gjera vårt beste for å  gi deg det du treng.

Dette ser me etter hos ein ny medarbeidar

Me ser etter motiverte personar som er interesserte i fagfeltet, og som ønskjer å utvikla seg på avsnittet over tid.

Hos oss kan du vere med på å bidra til å utgjera ein forskjell innan for etterforsking av alvorlege kriminalitet.

Arbeidsoppgåver

• Etterforsking av straffesaker i tett samarbeid med etterforskingsleiar/team-leiar og påtalejurist
• Identifisere, planleggja og gjennomføra etterforskingssteg i straffesaker
• Planleggje og utføra aksjonar (pågriping og ransaking)  i tildelte saker
• Planleggje og følgja opp tilrettelagde avhøyr i straffesaker
• Avhøyr av den fornærma, vitne og mistenkte/den sikta
• Gjennomgang av digitale spor
• FSI-teneste kvar 9. helg

Kvalifikasjonar

Dette må du ha for å vere kvalifisert:

• Bestått grunnutdanning frå Politihøgskolen. Vedlagt karakterskjema skal fyllast ut og leggjast ved søknaden
• Søkjarar til stilling som politibetjent 2 eller 3 må tilfredsstille gjeldande kompetansekrav for desse stillingane
• Etterforskningserfaring, men anna relevant erfaring kan kompensera for dette
• God skriftleg og munnleg formuleringsevne
• Være AOP-godkjent eller villig til å bli godkjent
• Plettfri vandel og personleg skikkaheit for teneste i politiet. Politiattest (uttømmande og utvida) må leggjast fram ved eventuell tilsetjing, jf. politilova § 18 og politiregisterlova § 41. Ved å søkje stilling i politiet samtykkjer du til at det vert gjennomført ei skikkaheitsvurdering, inkludert søk i relevante register, før eit eventuelt intervju.

Det er også ønskjeleg med:

• Relevant tilleggsutdanning innan etterforsking
• Erfaring frå fagfeltet (mishandling i nære relasjonar, grov vald)
• Erfaring frå/kjennskap til tilrettelagde avhøyr i straffesaker
• Erfaring i bruk og kurs innan digitalt politiarbeid
• Gode ferdigheiter innan systema til politiet

Personlege eigenskaper

• Være resultatorientert og med god gjennomføringsevne
• Evne til å prioritera og ta gode avgjerder i ulike problemstillingar
• Være fleksibel, positiv og løysingsorientert
• Evne til å handtera tidvis høgt arbeidspres

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lesa meir om dei etiske retningslinjene våre og medarbeidarplattformen her.

Dette kan vi tilby om du velger oss

• Stillinga vert lønna som politibetjent 3/2/1 (stillingskode 1461/1459/1457) med funksjon som etterforskar, med årslønn: 
  • politibetjent 3/ SKO 1461: frå kr 630 000.- brutto per år. For politibetjent 3 kommer etterforskartillegg etter gjeldende reglar i tillegg. 
  • politibetjent 2/ SKO 1459: frå kr 540 000.- brutto per år 
  • politibetjent 1/ SKO 1457: frå kr 510 000.- brutto per år 
  • Vidare lønnsutvikling vil skje i samsvar med hovudtariffavtalane i staten.
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår

Mangfald i politiet

Dersom du har funksjonsnedsetjing, innvandrarbakgrunn eller hol i CV-en, er det høve til å kryssa av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten  her.

Opplysningane du gir, blir brukt til å utarbeida anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.