Postdoktor i forskingsprosjektet THRIWE

Ved Høgskulen på Vestlandet (HVL), Fakultet for lærarutdanning, kultur og idrett, er det ledig ei stilling som postdoktor knytt til forskingsprosjektet Moving Towards a Thriving Early Childhood Workforce (THRIWE)

Ved HVL, Fakultet for lærarutdanning, kultur og idrett (FLKI), Institutt for idrett, kosthald og naturfag (IIKN), campus Sogndal, er det ledig ei åremålsstilling som postdoktor innan fysisk aktivitet, helse og trivsel i barnehagen.

Postdoktorstillinga er knytt til forskingsprosjektet Moving Towards a Thriving Early Childhood Workforce (THRIWE). THRIWE vil gjennomføre tverrfagleg forsking som styrkjer helse og trivsel til arbeidsstyrken i barnehagesektoren, og byggjer berekraftige system for barnehagekvalitet og barn si heilskaplege utvikling. Ved å integrere innsikt frå leikforsking, samskapingsmetodikk, systemisk leiing, komplekse intervensjonar og arbeidslivsforsking vil THRIWE utvikle kunnskap om korleis utdanningssystem kan tilpasse seg og fungere godt under krevjande vilkår. Prosjektet er leia av professor Eivind Aadland ved Institutt for idrett, kosthald og naturfag, Fakultet for lærarutdanning, kultur og idrett, Campus Sogndal. Prosjektet gjennomførast i samarbeid mellom forskargruppa Fysisk aktivitet og folkehelse og BARNkunne - Senter for barnehageforsking.

Den utlyste stillinga er retta mot forsking som nyttar kvantitative metodar for å studere samanhengar mellom variablar og effektar av tiltak. Prosjektet siktar mot ei brei forståing og evaluering barn og vaksne si helse og trivsel, der fysisk aktivitet er ein viktig faktor. Stillinga rettar seg mot analyse og formidling av allereie innsamla data i ACTNOW- og MoveEarly-prosjekta, samt utvikling, gjennomføring og evaluering av ein ny intervensjonsstudie i barnehagen.

Det er ønskeleg med tiltreding 01.10.2026 eller så snart som mogleg.

Postdoktorstillinga er ei åremålsstilling med tilsetting på fire år der eitt år er karrierefremjande arbeid i form av undervisningsarbeid og tilsvarande arbeid. Tilsetting i stilling som postdoktor har som hovudmål å kvalifisere for arbeid i vitskapelege toppstillingar. Postdoktoren vil vere ein del av HVL sitt fagmiljø innanfor fysisk aktivitet og helse og barnehageforsking. Postdoktoren forventast å avslutte prosjektet sitt innanfor åremålsperioden.

Postdoktoren vil ha sin arbeidsstad/tilknyting til campus Sogndal.

Ansvars- og arbeidsområde

Postdoktoren vil vere del av ei større tverrfagleg prosjektgruppe og vil ha ulike oppgåver knytt til utvikling, gjennomføring og evaluering av THRIWE-prosjektet.

Som postdoktor vil du:

• Utvikle eigne forskingsspørsmål og forskingsområde
• Planlegge, koordinere og gjennomføre datainnsamling
• Leie kvalitetsvurdering og analysar av data
• Framstille og presentere forsking skriftleg og munnleg i ulike fora, primært vitskaplege tidsskrift og konferansar
• Bidra konstruktivt i prosjektgruppa, samt forskargruppa Fysisk aktivitet og folkehelse og BARNkunne - Senter for barnehageforsking
• Rettleie master- og PhD-studentar

Det er forventa at postdoktoren er forfattar eller medforfattar på minst to poenggivande publikasjonar per år der minst ein av dei er på nivå 2. Postdoktoren må vidare rekne med ein del reising i samband med datainnsamling/feltarbeid.

Kvalifikasjonar

Kriterier for ansettelse i stilling som postdoktor fremgår av Forskrift til universitets- og høgskoleloven (Universitets- og høyskoleforskriften)

 

Søkjarar må ha:

Doktorgrad relevant for det tverrfaglege fagområdet fysisk aktivitet, helse og trivsel i barnehagen må vere oppnådd ved søknadsfristen. Dette kan til dømes vere doktorgrad innan idrettsvitskap, fysisk aktivitet og helse, folkehelsearbeid, arbeidslivsforsking eller barnehageforsking. Søkjarar med doktorgrad frå andre fag som kan dokumentere god kjennskap til tematikken i utlysinga, til dømes gjennom fagleg vinkling på doktoroppgåva, kan òg vurderast som kvalifiserte.

 

Følgande kvalifikasjonar vil bli særskilt vektlagt:

• Faglege kvalifikasjonar innanfor det utlyste området, med hovudvekt på kvalitet i doktoroppgåva og andre vitskapelege arbeid
• Innsikt i fysisk aktivitet, helse og trivsel hjå barnehagebarn og/eller vaksne
• Innsikt i kvantitativ metode, måleeigenskapar og statistisk analyse
• Innsikt i barnehagepraksis og/eller erfaring frå arbeid i barnehage
• Erfaring med gjennomføring av større forskingsprosjekt
• Erfaring med tiltaksforsking
• Erfaring med testing og datainnsamling hjå barnehagebarn og/eller vaksne, særskilt knytt til fysisk aktivitet, helse og trivsel 

 

Personlege eigenskapar:

• God evne til sjølvstendig og systematisk arbeid
• God samarbeidsevne
• Evne til å ta initiativ og ansvar
• Kommuniserer godt med barn og vaksne
• Høgt etisk medvit i møte med informantar er påkravd

 

Utdanningsfagleg kompetanse:

Utdanningsfagleg kompetanse er krav i alle undervisnings- og forskarstillingar.

Dersom søkjar ikkje allereie har utdanningsfagleg kompetanse som innfrir krava til ei stilling som førsteamanuensis, skal HVL leggje tilrette for at kompetanse blir oppnådd i løpet av tilsettingsperioden.

Pedagogisk kompetanse dokumenterast ved ei pedagogisk mappe og ein pedagogisk cv.

 

Språkkkrav:

Søkjarar må meistre flytande skriftleg og munnleg engelsk, i tillegg til norsk eller eit anna skandinavisk språk.

 

Karriereplan:

Den som blir tilsett skal i fellesskap med instituttet utarbeide ein karriereplan som spesifiserer den kompetansen postdoktoren skal opparbeide seg. Det skal setjast kompetansemål både for postdoktorprosjektet og eventuelt anna karrierefremjande arbeid som leggjast til stillinga. Postdoktoren vil ha tilgang til karriererettleiing.

Anna karrierefremjande arbeid kan for eksempel omfatte undervisning og undervisningsrelatert arbeid, opparbeiding av norskkunnskapar og utdanningsfagleg kompetanse, bidrag i forskingsfellesskap, samarbeid med offentlege eller private aktørar, med meir.

Korleis søkje på stillinga?

Send søknad og CV ved å klikke på knappen merka ”Søk stillingen” på denne sida. 

Søknaden kan leverast på norske eller engelsk. Vi gjer merksam på at søknadar blir vurdert ut frå den informasjon som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen, herunder masteroppgåva/hovudfagsoppgåva og inntil fem vitskapelege arbeid dei ønskjer å ha med i vurderinga, fullstendig publikasjonsliste, eventuell prosjektskildring, attestar og vitnemål. 

Dersom vitnemåla, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Viss vedlegga overskrid 50 MB må dei komprimerast før opplasting eller leggjes ved som lenkje. 

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master- eller ph.d.-grad. Sjå www.hkdir.no for meir informasjon om vurdering av høgare utdanning. HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekt av ordninga med automatisk godkjenning, vil det vere tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogleg når du veit at du vil søkje på stillinga. Dersom du ikkje har fått svar fra HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søkjarar vil vurdert av ein bedømmingskomité. Vurderinga skjer på bakgrunn av dokumentert kompetanse, og inntil 5 vitskapelge arbeid. 

På bakgrunn av komiteen si innstilling vil aktuelle søkjarar bli kalla inn til intervju. Tilsettingsorgan er tilsettingsutvalet ved Høgskulen på Vestlandet. Søknadane blir sendt elektronisk til bedømmingskomiteen.

Søknadar kan ikkje sendast på e-post til enkeltpersonar ved høgskulen.

Vi tilbyr

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving- og utvikling
• Moglegheiter for trening i arbeidstida 

Stillinga er lønna etter Statens lønnsregulativ, i stillingskode 1352 - postdoktor.

Frå løn vil det bli trekt 2% innskot til Statens pensjonskasse.

Generell informasjon

Vi gjer merksam på at unntak frå den offentlege søkjarlistan blir handsama etter reglane i Offentlighetsloven. Søkjarar som har bede om å ikkje bli ført opp på den offentlege søkjarlista, vil bli varsla dersom slik oppmoding ikkje blir teke til følgje. 

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning, rekruttere personar med minoritetsbakgrunn, personar med nedsett funksjonsevne og hol i CV. 

Tilsettinga er med føresetnad av at du får innvilga arbeids- og opphaldsløyve. Høgskulen på Vestlandet er underlagt eksportkontrollforskrifta. Forskrifta kan kome til bruk i handsaminga av søknadane.

Kontaktpersonar ved Høgskulen på Vestlandet er:

1) Prosjektleiar Eivind Aadland

Tlf.: 57 67 60 86

E-post: eivind.aadland@hvl.no

2) Instituttleiar Frode Fretland

Tlf.: 57 67 63 78

E-post: frode.fretland@hvl.no