Lærling hestefag

Stend vidaregåande skule har om lag 550 elevar innan naturbruk, idrettsfag, sal, service og reiseliv, påbygging til generell studiekompetanse og klassar med redusert elevtal. Skulen ligg vakkert til ved Fanafjorden i Bergen kommune og har om lag 200 tilsette. Stend vidaregåande skule arbeider aktivt med å utvikle organisasjonen og studietilbodet, slik at tilbodet til den einskilde eleven skal bli best mogleg. Skulen har store ambisjonar, og har som mål å vere leiande innanfor dei programområda skulen tilbyr. Stend har fokus på læring gjennom praksis og tett samarbeid med næringslivet. Skulen har for tida 10 klassar med redusert elevtal innan yrkesfagleg grunnutdanning, arbeidstrening og kvardagslivstrening. I tillegg gjev skulen nokre elevar opplæring gjennom individuelle tiltak.

Vi har eit rikt og variert dyrehald, og hesteavdelinga er ein sentral del av skulen sitt faglege tilbod. No søkjer vi ein engasjert lærling til hesteavdelinga. Som lærling hjå oss vert du ein viktig del av kvardagen – både for dyr og elevar. 

Arbeidsoppgåver

Du er med på å drifte hesteavdelinga med stell og fôring av hestane i lag med driftsansvarleg. Du får også ei unik sjanse i å delta i overgang frå tradisjonelt oppstalling til vår nyleg etablerte aktive stall. Daglege oppgåver er å stelle hestane, halde stallen i orden og leggje til rette for at Stends elevar får god praktisk undervisning med yrkesretta oppgåver. Du kommuniserer med, og legg til rette for, elevar og lærarar i den daglege drifta.  

• Dagleg stell, fôring og tilsyn av hestar 
• Stell av stall, paddokar og uteområde 
• Leggje til rette for praktisk undervisning for elevar 
• Kommunisere med og støtte elevar og lærarar i undervisningssituasjonar 
• Bidra til god dyrevelferd og fagleg utvikling av hesteavdelinga 
• I einskilde periodar kan det verte tillagt oppgåver på andre dyreavdelingar ved skulen 

Kvalifikasjonar

• Gjennomgått og bestått Vg1 naturbruk
• Gjennomgått og bestått Vg2 Heste- og dyrefag, gjerne med vekt på hestefag 

Personlege eigenskapar

• Du har eit ekte engasjement for hest 
• Du brenn for at elevar på Stend VGS får den beste skuledagen 
• Du har gode kommunikasjonsevner og har lett for å ha kontakt med elevar, vaksne og kundar 
• Du er ryddig og reinsleg, og tek ansvar for orden i stall og på anlegget 
• Du vekkjer tillit og er truverdig 
• Du kan samarbeide godt med andre, og jobbe sjølvstendig når det trengst 

Vi tilbyr

Løns- og arbeidsvilkår fastsett i lov og avtaleverk.
Gode forsikrings- og pensjonsordningar.
Stend er ein arbeidsplass med godt sosialt miljø og stor fagleg breidde, der du vert inkludert i eit aktivt og positivt miljø.

Andre opplysningar:
Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.
Den som skal tilsetjast i vidaregåande skule må leggje fram politiattest.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Kontaktinformasjon

Janne Seilen, avdelingsleiar, 92094232

Arbeidssted

Fanavegen 249
5244 Fana

Nøkkelinformasjon:

Arbeidsgiver: Vestland fylkeskommune

Referansenr.: 5147541091
Stillingsprosent: 100%
Lærling
Søknadsfrist: 24.06.2026