Konsulent

I digitaliseringsseksjonen jobbar vi for å løyse oppgåver og prosessar på smartare måtar. Seksjonen er inne i ein travel periode med prosessforbetring og har ledig engasjement som tenestedesignar i 12 månader. Stillinga ligg under faggruppa «Brukar og design». Vi søkjer deg som brenn for å skape gode brukaropplevingar og forretningsresultat, gjerne ved smart bruk av teknologi. Du ser løysingar der andre ser problem og ser verdien av å nytte teknologi til å løyse oppgåver på ein smartare måte. 

Vi nyttar tenestedesign som ein del av standardisert metodikk når vi forbetrar prosessar, utviklar leveransar og løysingar. Som tenestedesignar vil du jobbe saman med brukarar i alle avdelingar og seksjonar på ulike prosjekt. Rolla vil vere å fasilitere og bistå i ulike prosjekt med mål om å utvikle brukarretta og heilskaplege tenester. 

Arbeidsoppgåver

• Styre og delta i ulike prosessar med bruk av verktøyet «Brukaren i sentrum».
• Fungere som utgreiingsleiar/-ressurs i ulike prosessar i konseptfasa.
• Dokumentere og visualisere prosessar ved hjelp av Mural og BPMN.
• Overlevere og presentere resultat og anbefaling til oppdragsgjevar/prosjekteigar.
• Andre oppgåver som ligg under faggruppa.

Kvalifikasjonar

Du må ha:

Relevant høgare utdanning på bachelornivå innan tenestedesign/ interaksjonsdesign eller tilsvarande realkompetanse

Du bør ha:

•  Erfaring med å gjennomføre, dokumentere, visualisere og analysere tenestedesignprosessar, t.d. digitale brukarreiser 
•  Kompetanse og erfaring med tilrettelegging og gjennomføring av workshop
•  Kunnskap og erfaring i presentasjon av arbeid og funn, både munnleg og skriftleg

Personlege eigenskapar

• Du kjenner deg igjen i verdiane våre som er open, kompetent og modig
• Kreativ og nytenkande
• Strukturert og analytisk
• Gjerne sterk på visualisering
• God evne til å kommunisere og samarbeide med ulike målgrupper
• Likar å arbeide saman med andre 
• Evne til å formidle, samhandle, dokumentere og halde foredrag for andre 
• God norsk skriftleg og munnleg framstillingsevne 
• Evne til å jobbe strukturert og sjølvstendig 

Vi tilbyr

Hos oss får du:

• Ein meiningsfull og samfunnsnyttig arbeidskvardag
• Ei spanande stilling i eit arbeidsmiljø med høg fagleg kompetanse
• Gode moglegheiter for fagleg utvikling
• Løn etter avtale
• Fleksibel arbeidstid
• Gode offentlege pensjons- og forsikringsordningar

 

Kontaktinformasjon

Tom Sølve Myklebust, seksjonssjef, 41530977

Arbeidsstad

Lars Hilles gate 22
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5049962100
Stillingsprosent: 100%
Vikar
Startdato: 01.02.2026
Sluttdato: 31.01.2027
Søknadsfrist: 11.01.2026