Kantinemedarbeidar

45% fast stilling som kantinemedarbeider

Vi søkjer etter ein kantinemedarbeidar til fast 45% stilling. Stillinga fylgjer i hovudsak skuleåret. Dette inneber komprimert arbeidstid til 50% i skuleåret og fri i skulen sine feriar. I stillinga ligg og nedvask av kantine etter skuleslutt, og planlegging og varebestilling før oppstart etter skuleferiar.

Som kantinemedarbeidar ved Vest-Telemark vgs vil du dele ansvaret for drift av kantina med ein kollega som arbeider dagane du ikkje er på jobb. Det inneber at ein har aleineansvaret for drift av kantina to og tre dagar annankvar veke. Ein har då ansvar for menyplanlegging, produksjon og sal av mat og drikke, sikre at alt er gjort i tråd med gjeldande regelverk og rutinar, innkjøp m.m. Kantina fyller og ein viktig funksjon som arena for arbeidslivstrening for elevar på AHT.

Vi er på utkikk etter deg som ynskjer å levere god service, oppretthalde og vidareutvikle kantina som ein framifrå sosial arena for elevane ved skulen. Du må ha gode samarbeidsevner, og trivast med å arbeide med ungdom.

Stillinga er i avdeling for administrasjon og drift saman med reinhald, byggdrift og kontor. Om ein i tillegg har erfaring frå reinhald kan det og vere aktuelt med sporadiske oppdrag som vikar der. 

Arbeidsoppgaver

- Dagleg drift av kantina
- Innkjøp og menyplanlegging i samarbeid med kantinedrivar
- Produksjon og sal av mat og drikke
- Yte god service og bidra til å gjere kantina til ein framifrå sosial arena for elevane ved skulen
- Samarbeide med avdelinga for tilpassa opplæring, etablere tydelege rammer og samarbeide godt med elevar som har arbeidslivstrening i kantina
- Avstemming av kasse etter gjeldande reglar
- Halde reint i kantineområdet i samarbeid med reinhaldarane ved skulen
- Bidra ved arrangement på skulen

Kvalifikasjoner

Det er krav om erfaring frå produksjon og sal av mat i kantine, kafé, storkjøkken eller liknande.  
Det er krav om erfraring frå arbeid med ungdom.

Det er krav om politiattest for tilsetjing i skule.

Det er eit krav å beherske norsk som arbeidsspråk

Personlige egenskaper

- Evne til å arbeide sjølvstendig og ta initiativ
- Samvittighetsfull med god gjennomføringsevne
- Serviceinnstilt og positiv innstilling til ungdom

Det blir vurdert og lagt vekt på om ein er personleg egna.

Vi tilbyr

I denne stillinga har du rett på ei av dei sikraste pensjonsordningane i Noreg: offentleg tenestepensjon. Der dei fleste tenestepensjonar berre vert utbetalt i 10 år, er offentlig tenestepensjon ei utbetaling som varer livet ut frå den dagen du sluttar å arbeide. Pensjonen har inkludert uføre- og etterlattepensjon. Med pensjonsrett i KLP får du medlemspris på ei rekke bank, forsikring og spareprodukt. Du finn meir informasjon på heimesida til KLP (klp.no)

Kontaktinformasjon

Talleiv Metveit, Avdelingsleder administrasjon, 95707272

Arbeidssted

Storvegen 195
3880 Dalen

Nøkkelinformasjon:

Arbeidsgiver: Telemark Fylkeskommune

Referansenr.: 5139980682
Stillingsprosent: 45%
Fast
Startdato: 01.08.2026
Søknadsfrist: 28.06.2026