Kulturkonsulent arrangement og aktivitet

Vinje kommune ynskjer å vidareutvikle kultur, idrett og fritidstilbodet i heile Vinje kommune. Ein kulturkonsulent innan arrangement og aktivitet i Vinje kommune bidreg med å utvikle innhaldet ved kommunale kultur-, fritids- og aktivitetsarenaer, og vil med det vera ein viktig pådrivar for gode arrangement, tilbod og aktivitetar i regionen.

Ein stor del av stillinga handlar også om å ta del i den daglege drifta av kultur- og samfunnshusa i Vinje. Det inneber å vera vertskap for arrangement, møte, kurs og liknande. Som kulturkonsulent ved avdelinga for arrangement og aktivitet vil du vera der det skjer, der folk møtast og der meininga skapast.

Arbeidsoppgåver

Kulturkonsulenten inngår i ein to vekers turnus, der oppgåvene er fordelt på dag og kveld annankvar veke. 

• Vertskapsfunksjon: 
  • Billett og kiosksal 
  • Halde orden, bidra til at dei ulike areala fungerer bra
  • Enklare vedlikehaldsoppgåver, til dømes snømåking og strøing i samband med arrangement og liknande
• Planlegging og produksjon:
  • Artistbooking
  • Køyreplanar
  • Frivillig-koordinering
  • Kontakt og oppfylging av artistar, foredragshaldarar, management, lag og organisasjonar eller liknande
• Gjennomføring av arrangement og aktivitetar:
  • Rigg og nedrigg av enkelt ljos/lyd, bord, stolar/amfi og liknande, front of house-oppgåver, publikumsflyt, rapportering, evaluering og oppfylging av avvik.
  • Billetthandtering
  • Organisere og gjennomføre servering
  • Oppfylging av HMS-tiltak: brannvern, fyrstehjelp, publikumshandtering og liknande
  • Vedlikehald av utstyr
  • Reingjering av arrangementsutstyr og areal
• Administrative oppgåver:
  • Kvalitets/avviksmeldingar
  • Innkjøp
  • Andre oppgåver delegert frå avdelingsleiar eller verksemdsleiar
  • Oppgåver knytt til booking av kommunale areal – både administrative og praktiske

Kvalifikasjonar

• Bachelor innan kulturfag, reiseliv eller kommunikasjon. Omfattande, dokumenterbar erfaring innan desse fagområda kan erstatte manglande utdanning.
• Erfaring med planlegging og gjennomføring av ulike typar arrangement.
• Erfaring med servering og service.
• God på kommunikasjon, skriftleg og munnleg.
• Du må ha førarkort kl. B og disponere eigen bil.
• IKT-kompetanse utover grunnleggande ferdigheiter, for å handtere marknadsføring, kassesystem, bestillingssystem og liknande 

I tillegg er det ein fordel om du har kjennskap til offentleg lov og regelverk for skjenking og servering.

Personlege eigenskapar

Me legg vekt på personlege eigenskapar ved tilsetjing. Det me ser etter er nokon som har desse eigenskapane:

• Du er god på samarbeid og service, og i stand til å handtere ulike interesser på ein god måte.
• Du er kreativ og samfunnsengasjert.
• Du er ryddig og strukturert.
• Du er god på initiativ og gjennomføring.
• Du er fleksibel og endringsvillig. 
• Du har høg arbeidskapasitet og er god på å takle situasjonar med høgt tempo. 

Me tilbyr

• Løn etter lokal lønstabell ved høgskule min 3 år (eller ved høgskuleutdanning): frå kr: Frå kr 530.300 – kr 656.500 avhengig av ansiennitet.
• Fagleg og personleg utvikling i eit variert fagleg miljø i kommunalområdet kultur, næring og fritid.
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Kristian W. Rantala, Verksemdsleiar kultur og fritid, 949 83 823, kristian.rantala@vinje.kommune.no

Arbeidsstad

Vinjevegen 192
3890 Vinje

Nøkkelinformasjon:

Arbeidsgivar: Vinje kommune

Referansenr.: 5056031915
Stillingsprosent: 100%
Fast
Startdato: 01.02.2026
Søknadsfrist: 25.01.2026