Spennande leiarstilling i Sunnfjord!

Er du ein erfaren leiar som likar vekslinga mellom praktisk og administrativt arbeid? Som er løysingsorientert og god på samhandling? Som ser verdien av å forvalte tradisjonsrike kyrkjebygg og minnesterke gravplassar til beste for folk? Då er du den vi ser etter; Sunnfjord kyrkjelege fellesråd har ledig 100% stilling som driftsleiar.Du får ansvar for tilsette som har sitt daglege arbeid knytt dei 14 gravplassane. I tillegg har driftsleiar eit overordna ansvar for drift og vedlikehald av 10 kyrkjer.

Kyrkjegarden og kyrkjene betyr mykje for folk i Sunnfjord, her samlast vi i både sorg og glede. Fellesrådet ønskjer at både gravplassane og kyrkjene framstår velstelte, at forvaltninga er profesjonell og effektiv og at tilsette har gode rammer for sitt arbeid.

Sunnfjord kyrkjelege fellesråd ligg i Sunnfjord prosti og svarar geografisk til Sunnfjord kommune. Folketalet i kommunen er på rundt 22.000. Den totale staben i Sunnfjordkyrkja tel rundt 40 tilsette. Kontorstaden er i Førde, arbeidsområde til driftsleiar omfattar heile kommunen. Driftsleiar blir del av leiargruppa, og er stedfortredar i kyrkjeverja sitt fråvær.

Arbeidsoppgåver

• Leie og koordinere arbeidet knytt til gravplassdrifta
• Personalansvar for kyrkjegardsarbeidarar og kyrkjetenarar
• Overordna ansvar for drift og vedlikehald av bygg og anlegg
• Overordna ansvar for innkjøp og vedlikehald av utstyr

Kvalifikasjonar

• Minimum 3-årig universitets- eller høgskuleutdanning (bachelor e.l.) 
• Relevant erfaring kan kompensere for manglande formell fagleg utdanning
• Erfaring frå personalleiing vert vektlagt
• Erfaring frå drift og vedlikehald av bygg, anlegg og utstyr er ein fordel
• Søkjar må ha førarkort for bil (gjerne BE)
• Kjennskap til Den norske kyrkja, og gravplassforvaltning spesielt, er ein fordel
• Krav om medlemskap i Den norske kyrkja

Personlege eigenskapar

• Lagbyggar som skaper gode relasjonar mellom tilsette
• Gode evner til kommunikasjon og samarbeid
• Likar å arbeide målretta, systematisk og planmessig
• Vere fleksibel og kunna møta utfordringar

Vi tilbyr

• Du blir del av ein engasjert stab med både erfaring og kunnskap
• Variert og meiningsfull arbeidskvardag
• Løn i samsvar med avtaleverket i KA sitt tariffområde
• Gode pensjons – og forsikringsordningar i høvesvis KLP og Knif

Kontaktinformasjon

Sissel Vartdal, kyrkjeverje, 48 99 12 57

Arbeidssted

Kyrkjevegen 23F
6809 FØRDE

Nøkkelinformasjon:

Arbeidsgiver: Sunnfjord kyrkjelege fellesråd

Referansenr.: 5137526888
Stillingsprosent: 100%
Fast
Søknadsfrist: 14.06.2026