Bioingeniør - vikariat 

Avdeling for immunologi og transfusjonsmedisin er ei avdeling i Laboratorieklinikken med om lag 125 tilsette. Avdelinga driv analyseverksemd, rekruttering og tapping av blodgivarar, produksjon og utlevering av ulike blodprodukt, medisinsk rettleiing, både pasientretta- og utprøvande stamcelleverksemd, utvikling av nasjonal blodberedskap, undervisning og forsking. Avdelinga er akkreditert etter standard NS-EN ISO 15189:2012.

Avdelinga søker etter engasjerte og motiverte medarbeidarar som vil trivast i eit spennande arbeidsmiljø med mange ulike oppgåver. Vi legg til rette for at alle tilsette skal trivast og yte sitt beste, dei tilsette er vår viktigaste ressurs. Ved avdelinga er det ledig eit årsvikariat som bioingeniør, med moglegheit for forlenging. Stillinga er knytta til Seksjon for celleterapi. Stillinga er ei dagstilling på 37,5 timar per veke, der ein òg må delta i beredskapsvakter på ettermiddag.

I stillinga som bioingeniør vil ein få utfordrande og varierte oppgåver knytte til stamcellebehandling. Seksjon for celleterapi handterer og prosesserer celleterapiprodukt av høg kvalitet på oppdrag frå Seksjon for blodsjukdomar, Kreftavdelinga og Barne- og ungdomsklinikken. For å ivareta høge kvalitetskrav har seksjonen godkjenningar frå helsemyndigheitene og er akkreditert av JACIE (Joint Accreditation Committee ISCT-Europe & EBMT), Europas offisielle sertifiseringsorgan innan hematopoietisk celletransplantasjon og cellulær terapi. Seksjonen er framtidsretta, og det pågår fleire spennande prosjekt, også innan immunterapi. Det er planlagt innflytting i nye GMP-klassifiserte lokale i løpet av 2026. 

Arbeidsoppgåver

• Delta i dagleg drift ved seksjonen, inkludert mottak, prosessering, lagring, distribusjon og infusjon av celleterapiprodukt
  
• Delta i beredskapsvaktordning (ettermiddag)
  
• Mottak og handtering av celleprodukt frå inn- og utland
  
• Delta i beredskapsordning for mottak av stamcelleprodukt frå eksterne donorsenter
  
• Bidra til vedlikehald og vidareutvikling av prosedyrar
  
• Bidra i arbeid relatert til JACIE-akkreditering, kvalitetskontrollar, og forbetringsarbeid
  
• Delta i blodprøvetaking av inneliggande pasientar
  
• Andre oppgåver kan tilkome

Kvalifikasjonar

• Norsk autorisasjon som bioingeniør
• Annan relevant utdanning på masternivå, med relevant arbeidserfaring kan vurderes 
• Arbeidserfaring frå eit akkreditert laboratorium er ein fordel
• Erfaring fra celleterapi, stamcellehåndtering, transfusjonsmedisin eller annen relevant laboratorievirksomhet er en fordel
  
• God kjennskap til kvalitetssystemer (f.eks. JACIE, GMP, Forskrift om håndtering av humane celler og vev er ønskelig)
  
• Personlege eigenskapar vert vektlagd
• Må meistre norsk språk både skriftleg og munnleg

Personlege eigenskapar

•  Strukturert, nøyaktig og kvalitetsmedviten
  
• Trivst med arbeid i regulerte prosessar og etter standardiserte prosedyrar
  
• Gode samarbeidsevner og evne til å bidra positivt i team
  
• Ansvarsmedviten og sjølvstendig
  
• Trivst med å arbeide i eit tverrfagleg miljø, meistrar høgt tempo og varierte arbeidsoppgåver
  
• Har engasjement for fagfeltet og ønskje om å vidareutvikle kompetansen

Vi tilbyr

• Lønn i samsvar med gjeldande overeinskomst
  
• Eit aktivt og triveleg miljø
  
• Høgt fagleg nivå
  
• Eit engasjert og godt arbeidsmiljø med kompetente og stolte mearbeidarar
  
• Gode pensjons- og forsikringsordningar

Ønska oppstart 04.05.2026 eller etter avtale.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Marta Vorland, Avdelingssjef, 55973198

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5104372905
Stillingsprosent: 100%
Vikariat
Startdato: 04.05.2026
Søknadsfrist: 19.04.2026