KI-utviklar/forvaltar

Vil du arbeide innan eit av dei mest spanande IT-områda, samtidig som du gjer noko verkeleg samfunnsnyttig? Då vil du passe godt inn i satsinga vår på kunstig intelligens (KI/AI) og maskinlæring (ML).

Helse Vest IKT skal utvide vår teneste for kunstig intelligens. Dette skal bidra til at befolkninga får best moglege helsetenester, gjennom at helsepersonell får naudsynt og viktig støtte i det daglege arbeidet sitt.

Vi søker no ein KI-utviklar/forvaltar som kan utvikle og forvalte modellar for KI-applikasjonar. Du er nysgjerrig på ny KI-programvare og utviklinga, har ein sterk bakgrunn innan IT, og vil hjelpe andre å finne den beste løysinga på problema deira. Dette er ei moglegheit til å bruke KI til eit godt og meiningsfullt formål.

KI-teamet består i dag av ein dataanalytikar og to utviklarar, og vi har moglegheit til å trekke på ressursar frå det store fagmiljøet vi er del av. Teamet høyrer til seksjonen Utvikling, som består av 50 høgt kvalifiserte utviklarar, dataanalytikarar og UX-arar. Vi utgjer eit sterkt og kompetent miljø som er opptekne av å utvikle løysingar for framtidas helsetenester.

Arbeidsoppgåver

• Utvikle og forvalte avanserte algoritmar og modellar for KI-applikasjonar.
• Utforske kommersielle KI-leverandørar for tale- og naturleg språkbehandling.
• Samarbeide med tverrfaglege team om å implementere, produksjonssette og forvalte KI-løysingar.
• Optimalisere og forbetre eksisterande KI-applikasjonar.
• Utforske ny KI-programvare.
• Forvalte KI-server.

Kvalifikasjonar

• Relevant IT-utdanning frå høgskule/universitet.
• Solid kunnskap om maskinlæring og bruk av GPUar.
• Erfaring med programmeringsspråket Python.
• Erfaring med databasar som SQL Server.
• Kunnskap om tenester i Microsoft Azure AI Foundry (Azure OpenAI Service, Azure AI Search, Azure Machine Learning).
• Kunnskap om deployment (Docker, RestAPI, etc.) er nyttig.
• Kunnskap om heile KI Livssyklus(utvikling, test, deployment, monitorering).
• Evne til å arbeide med store datasett.
• God forståing av dataanalyse og KI-modellar.
• Kunne samarbeide i team og ha gode kommunikasjonsevner.

Personlege eigenskapar

• Kreativ tenking og evne til å utforske nye tilnærmingar.
• Som alle gode utviklarar har du gode logiske og analytiske evner, er løysingsorientert og jobbar strukturert.
• Du er interessert i å halde deg oppdatert innanfor KI og maskinlæring og synest fagleg påfyll er givande.
• Du har eit ønske om å levere det brukarane treng, samstundes som du har fokus på at kvalitet vanlegvis varar lengst.
• Du likar å jobbe sjølvstendig, men set pris på å vere ein del av eit team.
• Du er oppteken av samhald og erkjenner at ein oppnår meir ved godt teamarbeid enn som enkeltindivid.

Vi tilbyr

Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du:

• Moglegheita til å jobbe i eit stort og tverrfagleg miljø i ein banebrytande bransje.
• Tilgang til Helse Vest sine kollektive avtalar og tilbod for tilsette.
• Fleksible arbeidsordningar med fleksitid og arbeidsveke på 37,5 timar inkl. lunsj.
• Løn etter avtale.
• Medlemskap i KLP som sikrar gode pensjonsrettar.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Christian Autenried, Teamleiar, +47 90759746
Øyvind Sætrevik, Gruppeleiar, +47 99554337

Arbeidsstad

Bjørnsons gate 29
5052 BERGEN

Nøkkelinformasjon:

Arbeidsgivar: Helse Vest IKT

Referansenr.: 5031248998
Stillingsprosent: 100%
Fast
Søknadsfrist: 23.11.2025