Heimetenesta

Om avdelinga:

Heimetenesta ligg under kommunalsjefområdet helse og velferd og består av fire avdelingar: Ågotnes, Skogsvåg, Straume og Bildøy.
Stillinga er plassert i heimetenesta si stab og rapporterer direkte til einingsleiar. Arbeidsstad er Straume (Bildøybakken).

Om stillinga:

Vi har no ledig ei 100% fast stilling som fag- og kvalitetsutviklar. Dette er ei nyoppretta stilling der du får ein unik sjanse til å forme rolla, påverke utviklinga og setje retninga for framtida.
Vi ser etter deg som vil vere med å utvikle morgondagens heimeteneste. Du må evne å tenkje nytt, sjå moglegheiter og vere ein drivkraft for å ta i bruk digitale løysingar som styrkjer kvaliteten og effektiviteten i tenesta.
Som fag- og kvalitetsutviklar har du ei nøkkelrolle i å sikre fagleg kvalitet, kontinuerleg forbetring og systematisk utvikling. Rolla skal bidra til at tenesta er forsvarleg, effektiv og i tråd med gjeldande lovverk og kommunale mål.

Hovudansvar:

• Utvikle og implementere faglege prosedyrar, rutinar og retningslinjer
• Sikre kvalitet gjennom internkontroll og risikovurderingar
• Planleggje og gjennomføre kompetansehevande tiltak for tilsette
• Ansvar for utviklingsarbeid og prosjekt
• Delta i strategisk fagutvikling og innovasjonsarbeid

Arbeidsoppgåver:

• Utarbeide og oppdatere prosedyrar, rutinar og faglege retningslinjer
• Leie og delta i ulike prosjekt
• Følgje opp kvalitetsmålingar, brukarundersøkingar og forbetringsprosjekt
• Planleggje og gjennomføre opplæring, kurs og fagmøter for tilsette
• Samarbeide med leiing, interne og eksterne aktørar
• Vere kontaktledd for studentar og elevar
• Andre oppgåver delegert frå einingsleiar

Kvalifikasjonar:

• Autorisert sjukepleiar med minimum 5 års arbeidserfaring
• Gode datakunnskapar og kjennskap til relevant lovverk innan helse- og omsorgstenesta
• Evne til å sjå samanheng mellom økonomi og drift
• Relevant erfaring innan fagutvikling, internkontroll, kvalitetssikring, prosjekt og utviklingsarbeid
• Gode rettleiings- og undervisningsferdigheiter
• Førarkort klasse B

• Erfaring frå heimetenesta eller andre helse- og omsorgstenester
• Utdanning innan fagutvikling eller innovasjon
• Erfaring med bruk av velferdsteknologiske løysingar

Personlege eigenskapar:

• Strukturert og systematisk, med god oversikt
• Gode kommunikasjons- og samarbeidsevner
• Sjølvstendig, utviklingsorientert og med stort engasjement
• Stor gjennomføringskraft og evne til å motivere og rettleie andre
• Endringsvillig og løysingsorientert
• Personleg eignaheit vert vektlagt

Anna:

Stillinga er ledig frå dags dato. Den som vert tilsett må ha førarkort og kunne nytte eigen bil ved behov. Dei formelle krava til utdanning og erfaring må dokumenterast med vitnemål og attestar. Dokumentasjonen må lastast opp i søkjarportalen innan søknadsfrist.

Vi tilbyr:

• Gode pensjons- og forsikringsordningar
• Ein spennande arbeidsplass med godt arbeidsmiljø
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling.
• Vi tilbyr startlån for å rekruttere og behalde helsepersonell. Sjå kommunens heimeside for meir informasjon om Startlån 

Kontakt:

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.