Sjukepleiar i 80 % nattevaktstilling

Vi har ledig ei 80 % fast nattevaktstilling som sjukepleiar i Fjaler Kommune. I denne stillinga vil du jobbe i team saman med to kollegaer i heimetenesta og sjukeheim. Det er ynskjeleg at ein vekslar på å jobbe inne på institusjon og ute i heimetenesta.

Vi har årsturnus på 52 veker med arbeid kvar 3. helg. Arbeidstida er frå klokka 22.00 – 07.15.

Våre tenester vert tilpassa for å møte framtidas behov, og vi har mange spanande oppgåver. Det er oppretta ressursgrupper på tvers av einingane i kommunen innan ulike tema som lindrande behandling - kreft, velferdsteknologi og demens. Dette for å få ytterlegare kompetanse innan dei ulike fagfelta.

Arbeidsoppgåver:

• utføre heilhetlig omsorg og pleie.
• kartlegge, vurdere og igangsetje målretta sjukepleietiltak.
• tverrfagleg samarbeid for å sikre god pasientbehandling
• medikamenthandtering
• handtering av tryggleiksalarmar
• terminalpleie i heim og på institusjon
• ansvarsvakt på natt
• sikre at det vert utført fagleg forsvarleg tenesteyting til den einskilde brukar
• medverke aktivt til eit godt arbeidsmiljø i eiga avdeling og til eit godt samarbeid med dei andre einingane
• jobbe kunnskapsbasert
• bidra til auka fagleg utvikling
  
  

Kvalifikasjonar:

• autorisasjon som sjukepleiar
• sjukepleiarstudentar som er ferdig innan Juni 2026  kan og søke på stillinga.
• førarkort klasse B
• god norsk munnleg og skriftleg framstillingsevne
• den som vert tilsett må legge fram politiattest og godkjent MRSA- og tuberkulinattest før tiltreding
  
  

Personlege eigenskapar

• gode samarbeidsevner
• sjølvstendig
• god på kommunikasjon
• evne til å arbeide løysingsorientert i eit travelt miljø og samtidig ha eit godt humør
• engasjement for eldreomsorg

Det blir vektlagt om ein er personleg egna for stillinga

Vi tilbyr:

• fadderordning og introduksjonsprogram for nytilsette
• løn etter utdanning og erfaring
• 35 000,- alltid på topp tillegg
• gode pensjons- og forsikringsordningar
• etterutdanning innan satsingsområde
• godt arbeidsmiljø

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.