To formidlarar til sommarsesongen på Sunnmøre museum og Middelaldermuseet

Viti søker to formidlarar som kan inngå i turnus for sommarformidling til publikum på Sunnmøre museum og Middelaldermuseet. Som formidlar er du del av eit team som møter publikum og legg til rette for ulike aktivitetar i hus og tun.

Vi oppfordrar ungdom til å søke, og gjerne deg som spelar eit instrument eller har ei anna ferdigheit som kan nyttast i formidlinga.

Periode: Arbeidet skjer i perioden 22. juni til og med 16. august. Stillinga er på til saman omlag 70%, fordelt i perioden.

Som tilsett i førstelinja ser vi etter deg som:

• Er positiv, omgjengeleg og serviceinnstilt

• Har interesse og / eller fagbakgrunn innan museum og historie

• Har gode formidlingsevner, på norsk og engelsk

• Er sjølvstendig, strukturert og ryddig

• Har evne til å handtere varierte arbeidsoppgåver og utfordringar

Vi tilbyr :

• Vi tilbyr ein spennande og varierande arbeidsdag i eit godt arbeidsmiljø

• Løn etter tariff og kvalifikasjonar. Aktuell plassering for sommarformidlarar i stillingskode 1078 betjent med minsteløn kr 389 100

• Medlemskap i Kommunal Landspensjonskasse med gode pensjons-, forsikrings- og låneordningar. Frå løna vert trekt 2 % innskot til pensjonskassa.

Arbeidstid varierer og blir sett inn i ein turnus som også kan vere helg.

Søknadsfrist: 7. april. Ver venleg å spesifiser kva stilling du søker på.

Vitnemål og attestar skal leggast ved søknaden. Vi krev vandelsattest til formidlarstillingar.

Send søknad til post@vitimusea.no Inkludering og mangfald er ein styrke og gjer at vi kan løyse oppgåvene våre enda betre. Difor ynskjer vi oss medarbeidarar med ulik kompetanse, fagkombinasjonar, livsrøynsle og perspektiv. Har du ei funksjonsnedsetjing, hol i CV-en eller innvandrarbakgrunn, oppmodar vi deg og til å søkje. Får du jobben, legg vi til rette for deg om du treng det.