Rådgjevar/seniorrådgjevar - vikariat

Om stillinga

Vi søkjer ein dyktig og engasjert vikar til arbeidet med å ta vare på trua natur. Dette er ein jobb for deg som har god kunnskap om økologi, er oppteken av heilskap og samanhengar i naturen og interessert i å følgje opp trua artar og naturtypar i samarbeid med andre styresmakter og samfunnsaktørar. Bruk av digitale hjelpemiddel for analyse og formidling vil vere sentralt i arbeidet. 

Stillinga ligg under seksjon for trua artar og naturtypar. Seksjonen har ansvar for å utarbeide og følgje opp handlingsplanar for trua artar og naturtypar. Vi har òg eit særleg ansvar for hovudøkosystemet, kulturlandskap og ope lågland. Arbeidet med å følgje opp internasjonale konvensjonar og avtalar på naturmangfaldområdet ligg òg til seksjonen. 

Seksjonen har 11 medarbeidarar, og vi har arbeidsstad på Brattøra i Trondheim. Hos oss blir du ein del av eit allsidig og engasjert fagmiljø som arbeider med å ta vare på naturmangfaldet i Noreg og internasjonalt. Vi arbeider både sjølvstendig, i mindre faggrupper og saman med andre fagmiljø i Miljødirektoratet.

Stillinga sine hovudansvarsområde

• saksbehandling og oppgåver innafor forvaltning av trua artar og trua naturtypar i samarbeid med statsforvaltar
• utarbeide og følgje opp handlingsplanar og bidra til å følgje opp tilskotsordningar, inkludert å vidareutvikle malar og digitale verktøy
• bestille og gjere tilgjengeleg ny kunnskap for forvaltning av trua natur
• bidra til å følgje opp tiltaksplan for ville pollinerande insekt
• å delta i andre arbeidsoppgåver innanfor fagområda til seksjonen 

Kompetansekrav

Kvalifikasjonar

• relevant utdanning på masternivå, helst innafor økologi eller naturforvaltning. Årets kandidatar kan søke, under føresetnad av at alle eksamenar vert bestått dette semesteret
• god økologisk kunnskap og kunnskap om artar og naturtypar i norsk natur 
• god i munnleg og skriftleg norsk 
• god digital kompetanse, og gjerne kjennskap til kartlegging av naturtypar etter NiN og kartanalyse (GIS).
• erfaring frå analysearbeid og handtering av miljødataer er ønskeleg. 
• kjennskap til offentleg forvaltning er ønskeleg 

Eigenskapar

• Du har god rolleforståing og ser heilskap og samanhengar. 
• Du er strukturert og sikrar framdrift i eige arbeid og saman med andre. 
• Du er utviklingsorientert og liker å finne gode løysingar.
• Du har gode relasjonelle eigenskapar og samarbeider godt på tvers. 
• Vi vil leggje vekt på at du er personleg eigna for stillinga.

Vi tilbyr

• vikariat med antatt varigheit til 15.juni 2027
• utfordrande arbeidsoppgåver på eit viktig samfunnsområde 
• gode høve til fagleg og personleg utvikling, eit breitt utval av sosiale, kulturelle og sportslege aktivitetar, inkludert trening i arbeidstida 
• fleksible arbeidstidsordningar og gode pensjonsordningar i Statens pensjonskasse  
• lønn som rådgjevar/seniorrådgjevar i lønnsspennet frå kr 600 000 – kr 900 000, etter erfaring og kvalifikasjonar. Særskilt kvalifisert søker kan vurderast høgare.

Har du spørsmål?

Kontaktperson for stillinga er seksjonsleiar Aina Holst, på tlf. 99541921 eller e-post aina.holst@miljodir.no.

Oppgi referansenummer 25-2026 LTR når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa vår.