ID 1050 Ledig stilling som kommunal fysioterapeut, 100% fast stilling

Fitjar kommune søkjer etter engasjert fysioterapeut i 100% fast stilling.

Vil du vera med å utvikle dei framtidige kommunale helsetenestene i Fitjar? Me søkjer etter ein motivert fysioterapeut som ynskjer å bidra til heilskapleg, førebyggjande og helsefremmande tenester for våre innbyggjarar.

Om tenesta:

Den kommunale fysioterapitenesta tilbyr undersøking, behandling, habilitering og rehabilitering til innbyggjarar i alle aldrar med behov for fysioterapi. Tenesta er ein del av kommunen sitt heilskaplege helse- og omsorgstilbod og skal bidra til å fremme helse, førebygge sjukdom og funksjonstap, samt styrke den einskilde si evne til å meistre kvardagen.

Fitjar kommune har kommunal fysioterapeut, privatpraktiserande fysioterapeutar og ergoterapeut.

Me søkjer etter 100% fast stilling som kommunal fysioterapeut i Fitjar kommune. Oppstart snarast etter avtale.

Arbeidsoppgåver:

• Undersøking, vurdering og behandling av personar i alle aldra

• Kvardagsrehabilitering og oppfølging i heimen

• Rehabilitering og habilitering

• Førebyggande og helsefremmande arbeid

• Tverrfagleg samarbeid internt og med eksterne samarbeidspartar/ spesialisthelsetenesta

• Koordinering av tenester til personar med langvarige og samansette behov

• Vegleiing av pasientar, pårørande og samarbeidspartar

• Søknad og oppfølging av tekniske hjelpemiddel

• Dokumentasjon i tråd med føringar

  
  

Kvalifikasjonar:

• Norsk autorisasjon som fysioterapeut

• Ynskjeleg med erfaring frå kommunehelsetenesta

• Gode norsk kunnskap, munnleg og skriftleg

• Førarkort klasse B

  
  

Personlege eigenskapar:

• Er sjølvstendig og strukturert

• Gode kommunikasjons- og samarbeidsevner

• Fleksibel og løysingsorientert

• Engasjement for førebyggande arbeid og meistringsfokus

• Er fagleg oppdatert og engasjert i fagleg utvikling og kunnskapsbasert praksis

Det vert lagt særskilt vekt på personlege eigenskapar.

Me kan tilby:

• Spennande og varierte arbeidsoppgåver

• Eit positivt, støttande og godt fagmiljø saman med dyktige kollegaer

• Moglegheit for fagleg utvikling og kurs

• Lønn etter gjeldande avtaleverk

• Offentleg pensjonsordning

  
  

Søkjar må ha gyldig politiattest.

For nærare informasjon om stillinga: Diana Bergeland, konstituert kommunalsjef helse, sosial og omsorg tlf 952 43 278 og/eller Torill Dahle, koordinator for fysioterapitenesta tlf. 908 08 739.