Interessert i teknologi og oppteken av menneske?  

Likar du å jobbe med menneske, teknologi og er oppteken av brukaren vert nøgd?

Som leiar i tenesteleveranse for område Bergen sentrum/sør/vest/Sunnhordland har du ansvar for å sikre god IKT-støtte på dei vidaregåande skulane, tannklinikkar og andre fylkeskommunale mellom Bømlo i sør og Askøy i vest. Du vil samarbeide tett med dei andre regionleiarane og leiar for tenesteleveranse.

Er du ein som likar å vere i forkant og samtidig er oppteken av ny teknologi så kan det vere deg vi søkjer etter!

Faggruppa tenesteleveranse har ansvar for tenesteleveranseavtalar og tenestekatalog og at IKT leverer tenester i samsvar med desse. Tenesteleveranse er den største faggruppa i seksjonen med ca 45 IKT-konsulentar.  Dei tilsette i faggruppa er plasserte på dei lokasjonane som brukarane er, og er i tett dialog med faggruppene service, systemdrift og kjernedrift. Faggruppa leverer òg 2. linjetenester direkte til brukarane.

Faggruppa tenesteleveranse har og ansvar for personleg IKT-utstyr og AV-utstyr, inkl. drift av løysingane.

Som ein del av faggruppa tenesteleveranse vil du ha ei viktig rolle i å utvikle fagområdet og sikre effektive og føreseielege leveransar for Vestland fylkeskommune. Du vil rapportere til leiar tenesteleveranse.

Arbeidsoppgåver

• Ha personalansvar for IKT-konsulentar i regionen
• Arbeide som IKT-konsulent i tillegg til å koordinere IKT-konsulentane og IKT/DE-lærlingane i regionen
  
• Handsame ressurs- og personell-behov i eigen region, samt på tvers av regionar. Dette skjer i samråd med dei andre regionleiarane, knytt til behov og ynskjer hos kunde og i samråd med leiar tenesteleveranse
• Ha oversyn over kompetanse og opplæringsbehov i regionen i relasjon til tenestekatalog
  
• Delta i fellesfora saman med dei andre regionleiarane
  
• Sette mål for og utvikle gruppa sine medarbeidarar inklusive lærlingar
• Bidra aktivt i den strategiske utviklinga av fagområdet
• Delta i aktuelle faglege fora og prosjektgrupper
• Bidra til å utvikle og etablere «beste tenester» knytt til tenesteleveranse gjennom kontinuerleg forbetring
  
• Bidra til å sikre heilskapleg, proaktiv kundeoppfølging som evner å sjå behov og løysingar på tvers av fag gruppene
• Reising må påreknast, og det er naudsynt med førarkort og bil
  

Kvalifikasjonar

• Relevant høgare utdanning på minimum bachelornivå frå universitet eller høgskule innan IKT eller tilsvarande. Krav til utdanning og utdanningsretning kan fråvikast for søkarar som har god og relevant praksis
• Høg kompetanse innan fagområda til tenesteleveranse tel positivt
• Erfaring frå koordinering av personell og/eller personalansvar tel positivt
• Erfaring med styring av underleverandørar og eksterne samarbeidspartnarar tel og positivt
• Erfaring frå leveransestyring og/eller prosjektkoordinering tel positivt  
• God norsk skriftleg og munnleg framstillingsevne 
  

Personlege eigenskapar

• Serviceinnstilt med fokus på brukarbehov og brukartilfredsheit
• Positiv, godt humør, kommuniserer tydeleg og flink i dialogen med menneske
• Evner å tenkje framover, vere proaktiv, løysingsorientert og oppteken av å få jobben gjort til rett tid
• Lojal og påliteleg 
• Strukturert og god orden

Vi tilbyr

• Fagleg dyktige kollegaer med stort engasjement 
• Varierte arbeidsdagar med ulike oppgåver og utfordringar
• Kontorplass Bergen sentrum 
• Løns- og arbeidsvilkår i samsvar med gjeldande avtalar i Vestland fylkeskommune
• Gode forsikrings- og pensjonsvilkår
• Fleksibel arbeidstid
• Fagleg utvikling

Verdt å merke seg
Administrasjonsmålet til fylkeskommunen er nynorsk.

Alle nytilsetjingar vert gjort med ei prøvetid på 6 månader. Vi gjer merksam på at i fylgje offentleglova § 25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjort.

Kontaktinformasjon

Arbeidsstad

Nøkkelinformasjon: