Psykologspesialist/ psykolog 

HABU søkjer psykologspesialist/psykolog i 100% fast stilling til innovativ og framtidsretta avdeling i Helse Førde. 

Oppstart etter nærare avtale - gjerne så snart som mogeleg.

Vil du bruke psykologkompetansen din til å gjere ein forskjell for barn og unge – i eit fagmiljø som har rom for både utvikling, engasjement og livskvalitet?
Då ønskjer vi deg velkommen til Habiliteringstenesta for barn og unge i Førde – eit tverrfagleg miljø der fagleg styrke, samarbeid og nyskaping står sentralt.
 
Her får du varierte arbeidsdagar, trygg fagleg støtte og livskvalitet utan stress – med kort veg frå kontoret til fjord, fjell og kulturliv.
 
Vi legg til rette for at du kan fordjupe deg innanfor nevroutviklingsforstyrringar, og vi gir støtte til spesialisering  dersom du ikkje allereie er psykologspesialist.
 
Hos oss møter du kollegaer med høg kompetanse og sterk vilje til å finne gode løysingar saman – til beste for barna og familiane vi følgjer. Habiliteringstenesta for barn og unge (HABU) er ein del av Avdeling for medisinsk fysikalsk rehabilitering (AMFR) i Helse Førde. Vi gir eit tverrfagleg tilbod til barn og unge frå null til atten år som har medfødd eller erverva funksjonsnedsetting eller utviklingsforstyrring.

Du blir del av eit engasjert team med lege, psykolog, ergoterapeut, fysioterapeut, vernepleier, spesialpedagog, sjukepleier og barnevernspedagog. Arbeidet er både poliklinisk og ambulant, og vi samarbeider tett med familiar, kommunar og andre instansar både internt i Helse Førde og eksternt. Gjennom arbeidet vil du få mogleigheit til å påverke utviklinga av habiliteringstenesta.

Er du klar for å gjere ein forskjell? Send oss ein søknad – vi ser fram til å høyre frå deg!

Arbeidsoppgåver

Som psykologspesialist, vil du ha det overordna faglege ansvaret for utgreiing og behandling av psykologiske tilstandar hos barn og unge i målgruppa.

• Gjere kartlegging, diagnostisering og behandling av barn og unge i vår målgruppe
• Delta i utgreiing av autismespekterforstyrringar og psykisk utviklingshemming
• Formidle tilbakemeldingar og gi råd til foreldre, ungdom og samarbeidspartnarar
• Delta og bidra i intern og ekstern undervisning og rettleiing både individuelt og i grupper
• Vere ein aktiv deltakar i fagutvikling og tenesteutvikling i ein innovativ og lærande avdeling
• Ha ansvar/ delansvar for oppfølgingsarbeid ovenfor barn/unge i vår målgruppe og deira pårørande

Kvalifikasjonar

• Norsk autorisasjon som psykolog
  
• Ønskjeleg med klinisk erfaring med barn og unge i vår målgruppe og deira pårørande
• Ønskjeleg med kompetanse på utgreiing av utviklingsforstyrringar
• Ønskjeleg med relevant spesialisering for fagfeltet (me kan etter avtale bistå med spesialisering)
• Gode norskkunnskapar, både munnleg og skriftleg
• Tilfredstillande politiattest (vandel), jfr Lov om helsepersonell § 20 a
• Førarkort klasse B  

Personlege eigenskapar

Vi ser etter deg som

• Har gode samarbeidsevner og trivst i tverrfagleg arbeid
• Er fagleg engasjert, strukturert og sjølvstendig
• God fagleg vurderingsevne 
• Ønskjer å bidra til eit godt og inkluderande arbeidsmiljø
• Ivaretek eigne arbeidsoppgåver og ansvarsområde på ein sjølvstendig måte

Personlege eigenskapar vert vektlagt.

Vi tilbyr

• Moglegheit for spesialisering for psykologar
• Utdanningspermisjon for psykologspesialist i samsvar med gjeldande overeinskomst
• Fagleg og personleg utvikling med høve til fordjuping 
• Moglegheit for å leige bustad gjennom Helse Førde til kostpris
• Konkurransedyktig lønn i samsvar med gjeldande overenskomst

• Tilgang til bedriftsidrettslag
• Gangavstand til Førde sentrum med rikt kulturliv, idrettsliv, kafear og konsertar
• Kort veg til vakker natur og friluftsliv heile året
• Ein innovativ og framtidsretta arbeidsplass i utvikling, tett knytt til Nye Førde sjukehus
• Eit engasjert fagmiljø og gode kollegaer
• Ein arbeidsplass som er inkluderande arbeidslivsbedrift
• Gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Martha Thorsheim, Seksjonsleiar, (+47) 920 25 954

Arbeidsstad

Svanehaugvegen 2
6812 FØRDE

Nøkkelinformasjon:

Arbeidsgivar: Helse Førde

Referansenr.: 5031812159
Stillingsprosent: 100%
Fast
Søknadsfrist: 16.11.2025