Helsefagarbeidar/hjelpepleiar

Psykiatrisk klinikk gir allmennpsykiatriske tenester til kommunane i Sunnfjord/Ytre Sogn. Klinikken har også sentralsjukehusoppgåver med plikt til å gi augeblikkeleg hjelp.  Avdelinga har omlag 185 årsverk og er lokalisert i Førde og Florø.

Psykiatrisk klinikk sikkerheit består av ein sengepost og ein poliklinikk med ambulerande funksjon. Sengeposten har 3 døgnplassar og er ein sengepost for personar med alvorleg sinnsliding, der det også er ein betydeleg risiko for vald. Avdelinga tar imot pasientar både på frivillig og tvungen psykisk helsevern, inkludert pasientar som har dom på overføring til tvungen psykisk helsevern. Ambulant sikkerheitsteam er eit poliklinisk tilbod til same pasientgruppa, og som per i dag følgjer opp 10 pasientar ute i eigen bustad/tiltak.

I tillegg til å gi psykiatrisk behandling vil nokre sentrale oppgåver vere å kartleggje, vurdere og handtere risiko for vald. Vårt mål er å gje pasientane moglegheit til auka meistring av eige liv i ulike fasar av sjukdommen, samstundes som vi ivaretek vårt ansvar for samfunnsvernet. Dette gjer vi gjennom fagleg behandling og arbeidsform der miljøterapeutisk rehabilitering vert vektlagt. I tillegg gir den fysiske utforminga av nytt sykehusbygg ei god og sikker ramme for arbeidet.

Les meir her: Psykiatrisk klinikk sikkerheit

Vi har ledig:

• 1 x 100% fast stilling for helsefagarbeidar/hjelpepleiar 
• Startdato: etter avtale 

PSK sikkerheit legg opp til en 50/50 kjønnsfordeling, der ein har minst 2 menn på kvart skift.

Arbeidsoppgåver

• Arbeid på sengepost, arbeid i ambulant sikkerheitsteam, undervisning/rettleiing, vaktarbeid og tverrfagleg samarbeid
• Vere aktiv deltakar i kontinuerleg fagutvikling i seksjonen
• Gi psykiatrisk pleie og omsorg
• Inngå i eit tverrfagleg samarbeid for å gi pasientar best mogleg behandling på avdelinga
• Ta del i oppgåver som ligg til seksjonen
• Andre oppgåver etter avtale med leiar

Kvalifikasjonar

• Norsk fagbrev som helsefagarbeidar/hjelpepleiar
  
• Relevant vidareutdanning og/eller erfaring blir vektlagd
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått norsktest på B2-nivå. Dokumentasjon må leggjast ved søknad
• Gode IKT-kunnskapar er ønskjeleg

Personlege eigenskapar

• Du har engasjement for fagfeltet/pasientgruppa og ønskjer å vidareutvikle kompetansen din
• Du har god fagleg vurderingsevne, arbeider strukturert og målretta
• Du kommuniserer og samarbeider godt med pasientar, pårørande og kollegaer
• Du er god til å sjå kva som må gjerast, både tilbyr og mottar gjerne hjelp
• Du held deg roleg, objektiv og kontrollert i stressande situasjonar, og arbeider stabilt under press

Vi tilbyr

• Eit meiningsfylt arbeid som gir personleg utvikling
• Opplæring
• Lønn i samsvar med gjeldande overeinskomst
• Gode pensjons- og forsikringsordningar

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Marianne Engh Strandos, Seksjonsleiar, (+47) 577 14 331

Arbeidsstad

Svanehaugvegen 2
6812 FØRDE

Nøkkelinformasjon:

Arbeidsgivar: Helse Førde

Referansenr.: 5031888302
Stillingsprosent: 100%
Fast
Søknadsfrist: 09.11.2025