Stipendiat i klinisk vaksenpsykologi

Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søknadsprosessen her. 

Video: https://youtu.be/Xt-yHCN5QS0

Om stillinga

Interesser du deg for skjeringspunktet mellom psykologisk behandling og data- og informasjonsteknologi? Me søkjer ein ph.d.-stipendiat til prosjektet Responsible AI Support for Sleep-Restriction Adherence in Insomnia. Målet med prosjektet er å utvikla og kvalitetssikra ein samtaleagent basert på kunstig intelligens som kan hjelpa pasientar å gjennomføra digital kognitiv åtferdsterapi for insomni. Som stipendiat hos oss, vil du jobba for å oppnå doktorgrada di, og samtidig opparbeida deg verdifull erfaring som kvalifiserer til vidare karriere innan høgare utdanning og forsking, i og utanfor akademia.

Tilsetjinga vil vera ved Institutt for psykologi og tilknytt Trondheim Sleep Group (TSG) ved Enhet for Forskning, Innovasjon og Undervisning (FIU), Klinikk psykisk helsevern, St. Olavs hospital, med kontorlokale på Østmarka campus.

Forskingsgruppa TSG har stor aktivitet og ein tverrfagleg profil som inkluderer klinikarar og forskarar med bakgrunn frå medisin, psykologi, nevrovitskap, kybernetikk, statistikk, lingvistikk og maskinlæring. I 2023 fekk forskingsgruppa tildeling som Klinisk Akademisk Gruppe frå Helse Midt-Noreg.

TSGs forskingsfokus omhandlar søvn- og kronoterapi innan psykisk helse, nevrologi, og folkehelse. Teknologi og innovasjon er sentralt i gruppa, ved bruk av digitale behandlings- og observasjonsmetodar, tenesteinnovasjon, persontilpassa medisin og dessutan prediksjon for å betra diagnostikk og behandling.

TSG har eit etablert samarbeid med Data and Artificial Intelligence (DART) group, Norwegian Research Center for AI Innovation og Norwegian Open AI Lab gjennom prosjektet AI-MENT. Doktorgradskandidaten vil inngå i denne arbeidsgruppa.
Om ønskjeleg og aktuelt vil det kunna leggjast til rette for ei klinisk bi-stilling.

Din næraste leiar vil vera nestleiar forsking.
 

Om prosjektet

I eit samarbeid mellom Institutt for psykologi, Trondheim Sleep Group, og Institutt for datateknologi og informatikk har me fått midlar frå NTNU Helse til prosjektet Responsible AI Support for Sleep-Restriction Adherence in Insomnia. Målet for prosjektet er å utvikla og kvalitetssikra ein samtaleagent basert på kunstig intelligens som kan hjelpa pasientar å gjennomføra digital kognitiv åtferdsterapi for insomni (dCBT-I).

Det er eit stort press på helsetenesta generelt og psykiske helsetenester spesifikt. Me har ikkje nok ressursar, verken økonomisk eller personellmessig, til å møta noverande og særleg framtidige behov i helsetenesta. I tillegg veit me at mange pasientar som faktisk får behandlingstilbod i helsevesenet ikkje får beste tilgjengelege, kunnskapsbaserte behandling. Ein av fleire måtar å møta desse utfordringane på er å tilby menneske med psykiske helseplager helsehjelp i form av digital behandling.
Digital behandling gjer at me kan tilby behandling til mange fleire og me kan på ein annan måte sikra oss at denne behandlinga er kunnskapsbasert. Eit døme på dette er behandling av søvnlidingar. Insomni rammar 10–15 % av befolkninga og har store konsekvensar for fungering, psykisk helse og bruk av helsetenester. Kognitiv åtferdsterapi for insomni (CBT-I) er ei tilrådd førstelinjebehandling, men få pasientar får tilgang til behandling grunna både avgrensa ressursar og at få klinikarar har opplæring i behandlingsmetoden. Digital CBT-I er ei dokumentert effektiv behandling for insomni som er skalerbar, men effekten av behandlinga blir redusert grunna låg etterleving.
Søvnrestriksjon er kanskje den viktigaste og mest verknadsfulle behandlingskomponenten i CBT-I, men også den mest krevjande for mange pasientar å gjennomføra og etterleva. Digital CBT-I implementerer søvnrestriksjon på ein regelbasert måte og manglar den personlege tilnærminga og alliansen som ein terapeut brukar. For å auka etterlevinga vil me prøva å utvikla, testa og kvalitetssikra ein klinisk informert, generativ KI-basert samtaleagent som betre tilrettelegg for søvnrestriksjonsprogrammet i dCBT-I.

Arbeidsoppgåver

• Fullføra doktorgradsutdanninga fram til oppnådd doktorgrad 
• Gjennomføra forsking av god kvalitet  
• Akademiske publiseringar og populærvitskapleg formidling 
• Delta i forskningsgruppa Trondheim Sleep Group 
• Delta i internasjonale aktivitetar som deltaking på konferansar og/eller forskingsopphald ved utanlandske lærestader
• Klinisk arbeid i samband med datainnsamling gitt nødvendige kvalifikasjonar

Ver førebudd på at det etter tilsetjing kan skje endringar i arbeidsoppgåvene dine.

Kvalifikasjonskrav

• Relevant mastergrad innan klinisk psykologi, medisin, psykisk helse eller tilsvarande. Utdanningsløpet ditt må minimum svara til eit femårig norsk studium, der minst 120 studiepoeng er oppnådde på masternivå
• Masterstudentar kan søkja, men mastergrada må vera oppnådd og dokumentert innan oppstart i stillinga 
• Du må ha ein sterk fagleg bakgrunn frå det tidlegare studiet ditt, og ha ein gjennomsnittskarakter frå masterstudiet, eller tilsvarande utdanning, som er lik B eller betre sameint med NTNUs karakterskala. Dersom du ikkje har bokstavkarakterar frå tidlegare studium, må du ha eit like godt fagleg grunnlag. Dersom du har svakare karakterbakgrunn vil du kunna bli vurdert dersom du kan dokumentera at du er særskild eigna til ei ph.d.-utdanning
• Du må oppfylla krava til opptak på doktorgradsprogrammet til fakultetet
• God munnleg og skriftleg framstillingsevne i engelsk, og i norsk tilsvarande nivå B2

Me viser til NTNUs retningslinjer for rekrutteringsstillingar og Forskrift for gradene philosophiae doctor (ph.d.) og philosophiae doctor (ph.d.) i kunstnarisk utviklingsarbeid ved Noregs teknisk–naturvitskapleg universitet (NTNU) for generelle kriterium for stillinga.

Ønskte kvalifikasjonar

• Autorisasjon som helsepersonell, fortrinnsvis psykolog eller lege
• Kunnskap om og erfaring med psykologisk behandling av søvnvanskar
• Interesse for og kunnskap om data- og informasjonsteknologi

Personlege eigenskapar

For å fullføra ei doktorgrad (ph.d.), er det viktig at du er i stand til å: 

• Arbeide sjølvstendig
• Jobba strukturert, setja mål og laga planar for å nå dei
• Arbeide konstruktivt under press eller i møte med motgang 
• Vere fleksibel og open for å justere plan for prosjektet etter behov

Personlege eigenskapar vil bli vektlagt

Vi tilbyr

• ein spennande jobb med eit viktig samfunnsoppdrag
• utviklande oppgåver i eit sterkt og internasjonalt fagmiljø
• karriererettleiing og oppfølging undervegs i doktorgradsperioden
• ope og inkluderande arbeidsmiljø med engasjerte kolleger
• driftsmiddel som kan brukast til å gjennomføra prosjektet
• fadderordning som nytilsett ved NTNU
• gunstige vilkår i Statens pensjonskasse

Du blir ansatt som stipendiat ved NTNU og får tilgang på ansattgoder.

Mangfald

Mangfald er ein styrke, og ved NTNU har me eit mål om å vera ein arbeidsgivar som speglar mangfaldet i samfunnet og som tek i bruk potensialet i dei samla kompetansane til befolkninga.
Visjonen vår er Kunnskap for ei betre verd og våre verdiar er kreative, kritisk, konstruktiv og respektfull. Me har tru på at ei verksemd som er likestilt, mangfaldig og kjønnsbalansert er avgjerande for at me saman når måla våre.

Me ønskjer medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning.

Om du synest denne stillinga er relevant og interessant, oppmodar me deg til å søkja, uavhengig av kjønn, funksjonsevne og kulturell bakgrunn, eller om du i ein periode har vore utanfor arbeidslivet.

Lønn og vilkår

I stillinga som stipendiat kode 1017 vil løna di normalt vera brutto kr 550 800,- pr. år avhengig av kvalifikasjonar og ansiennitet. Frå lønna blir 2 % lovfesta innskot trekte til Statens pensjonskasse. 

Tilsetjingsperioden er 3 år. 

For tilsetjing i stipendiatstilling er det ein føresetnad at du får opptak til ph.d.-programmet innan psykologi innan tre månader etter oppstart, og at du deltek i eit organisert doktorgradsstudium innanfor tilsetjingsperioden.
Som tilsett ved NTNU er det viktig at du held deg oppdatert på faglege og organisatoriske endringar og tilpassar deg desse.
For nødvendig samhandling fagleg og sosialt er det ein føresetnad at du er fysisk til stades og tilgjengeleg for institusjonen på dagleg basis.
Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Kandidatar som etter vurdering av søknad og vedlegg blir rekna for å komma i konflikt med kriteria i sistnemnde lov, vil ikkje kunna bli tilsett.

Om søknaden

Søknad og vedlegg, (inkl. beskriving av det vitskaplege arbeidet ditt) må følgja søknaden då desse blir lagde til grunn for vurderinga. Dokumenta må vera på norsk/skandinavisk eller engelsk.
Me gjer merksame på at søknaden berre blir vurdert ut frå den informasjonen me har ved søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over. Søknaden og alle vedlegg blir sende elektronisk via Jobbnorge.no. Dersom du blir invitert til intervju, må du ta med stadfesta kopiar av attestar og vitnemål ved førespurnad. 

Søknaden må innehalda:

• Karakterutskrifter og vitnemål for bachelor- og mastergrad 
• CV 
• Kopi av masteroppgåva. Om du nyleg har levert masteroppgåva, kan du leggja ved den innleverte versjonen av oppgåva. Dokumentasjon av fullført mastergrad må leggjast fram før tiltreding i stillinga
• Kort motivasjonsbrev (400 ord/1 side)
• Ev. publikasjonar el. anna relevant forskingsarbeid
• Ev. attestar
• Namn og kontaktinformasjon til tre relevante referansar

Dersom heile eller delar av utdanninga di er tekne i utlandet, skal det leggjast ved dokumentasjon på omfang og kvalitet for heile utdanningsløpet ditt, både bachelor- og masterutdanning, i tillegg til ev. anna høgare utdanning. Dersom institusjonen din tilbyr «diploma supplement» (vanleg for dei fleste europeiske lærestader), skal dette leggast ved. Beskriving av annan dokumentasjon som er nødvendig finn du her. Dersom du har ei fråsegn frå HK-dir, skal du leggja ved denne òg.

Me tek omsyn til arbeid du har gjort saman med andre. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din.

Ved vurdering av den best kvalifiserte, legg me vekt på nødvendige kvalifikasjonar som utdanning, erfaring, og dessutan personlege eigenskapar. Motivasjon for stillinga, ambisjonar og potensial for forsking vil også telja ved vurdering av kandidatane.
NTNU anerkjenner stor breidd av faglege bidrag og har forplikta oss The San Francisco Declaration on Research Assessment og forpliktingane i CoARA (ansvarleg vurdering av forsking og anerkjenning av ei større breidd av faglege bidrag i samsvar med NTNUs samfunnsoppdrag).

Generell informasjon

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngjevast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje.

Om du har spørsmål om stillinga kan du ta kontakt med Joar Øveraas Halvorsen, e-post: joar.halvorsen@ntnu.no. Hvis du har spørsmål om ansettelsesprosessen kan du ta kontakt med Ina Halvorsen, e-post: Ina.g.Halvorsen@ntnu.no

Søknadsfrist: 09.08.2026

 

Trondheim er en moderne europeisk by med en rik kulturscene. Trondheim er Norges teknologihovedstad med en befolkning over 200 000. Den norske velferdsstaten, inkludert helsevesen, skoler, barnehager og generell likestilling, er sannsynligvis den beste i sitt slag i verden. Profesjonell subsidiert barnepass er lett tilgjengelig. Videre tilbyr Trondheim gode utdanningsmuligheter (inkludert internasjonale skoler) og muligheter til å nyte natur, kultur og familieliv, og har lav kriminalitet og ren luftkvalitet.