Assisterande seksjonsleiar

Vil du vere ein del av eit sterkt fagmiljø der samarbeid, presisjon og pasienttryggleik står i sentrum? 

Hovud-hals seksjonen er ein av tre seksjonar ved Sentraloperasjonsavdelinga – ein av landets største og mest komplekse operasjonsavdelingar. Her behandlar vi eit breitt spekter av både planlagde og akutte inngrep innan nevrokirurgi, øyre-nase-hals og kjevekirurgi. 

Vi har høg aktivitet, tverrfagleg samarbeid på sitt beste og eit miljø som heiar på kvarandre i ein travel kvardag. 

Vi har no ledig stilling som assisterande seksjonsleiar. Kunne du tenkje deg å bli ein del av vår leiargruppe samtidig som du jobbar tett på drift, er dette stillinga for deg.

Arbeidsoppgåver

I samarbeid med seksjonsleiar  
*  koordinere dagleg operasjonsdrift
*  oppfølging av medarbeidarar og nytilsette 

Bemanning og turnus: 
*  saman med seksjonsleiar planlegge og justere turnus, handtere ledige vakter, fråvær og inndekking slik at drifta blir oppretthalde

Kvalitet og pasienttryggleik: 
*  følge opp Synergi-meldingar i samarbeid med seksjonsleiar og synergiteam, iverksette/forankre forbetringstiltak

Fag og kompetanse: 
*  vere ein støtteressurs for fagsjukepleiar der det er naturleg ift. kompetanseplanar, studentar og studentkontaktar som sikrer gode læringsløp 
*  ansvar for planlegging og gjennomføring av fagdagar saman med fagsjukepleiarar

Prosjekt og forbetring:  
*  vere framoversynt 
*  vere pådrivar til å koordinere forbetringsprosjekt knytt til drift, flyt og pasienttryggleik

Stedfortreder: 
*  fungere som stedfortredar for seksjonsleiar ved fråvær

Seksjonsleiar har overordna ansvar for drift-, personal- og budsjett.    

Kvalifikasjonar

Må-krav: 

• Autorisert sjukepleiar med vidareutdanning som operasjonssjukepleiar eller anestesisjukepleiar 
• Relevant erfaring frå operasjonsavdeling/operasjonslogistikk og tverrfagleg samarbeid 
• Forståing for akuttlogistikk (ØH), pasientforløp og prioriteringsvurderingar 
• Erfaring med bemanning/turnusplanlegging og praktisk inndekking
• God systemforståing; gjerne erfaring med GAT og avvikssystem (t.d. Synergi)
• Norsk skriftleg og munnleg, minimum nivå C1 
  

Ønska kvalifikasjonar: 

• Kunnskap om drifta på operasjonsstover
• Erfaring med kompetanseportalen og rettleiing av studentar/nytilsette
• Erfaring frå forbetringsarbeid, kapasitets- og programstyring 
  

Personlege eigenskapar

• Ryddig og strukturert; ser heilskapen og neste steg
• Løysingsorientert og beslutningsdyktig 
• Positiv og imøtekommande; motiverer, viser respekt og er open for innspel 
• Er god på relasjonsbygging og se mennesker
• Vi legg stor vekt på personleg eignaheit

Vi tilbyr

• Ei nøkkelrolle tett på drift der du gjer ein konkret skilnad for pasientar og kollegaer 
• Sterkt fagmiljø, korte beslutningsvegar og gode moglegheiter til å påverke arbeidsflyt og forbetringsarbeid 
• Systematisk opplæring og støtte frå seksjonsleiar og fagsjukepleiar 

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Lisbeth Viken Aasarmoen, Seksjonsleiar, 55 97 06 51

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5032341199
Stillingsprosent: 100%
Fast
Søknadsfrist: 16.11.2025