Systemforvaltar

Dokumentsenteret i Vestland fylkeskommune legg til rette for god journalføring- og arkiveringspraksis i heile organisasjonen. Vi søkjer no ein strukturert og serviceinnstilt systemforvaltar med ansvar for forvaltning, feilretting og vidareutvikling av sentrale digitale fellessystem i Vestland fylkeskommune. Dette gjeld særleg sak‑ og arkivsystemet Elements, men stillinga omfattar også vår forvaltning av Altinn og integrasjonar til våre fagsystem. Du vil inngå i eit lite team av systemadministratorar, og du får samarbeide tett med både interne fagmiljø og eksterne systemleverandørar. Stillinga er ledig omgåande, med oppstart snarast mogleg.

Arbeidsoppgåver

• forvaltning, feilretting og vidareutvikling av system og integrasjonar, særleg knytt til Elements og Altinn
• vere bindeledd mellom fagmiljø, IT, arkiv, personvern og leverandørar
• andrelinje brukarstøtte og bidra til opplæring, rettleiing og god bruk av systema i organisasjonen
• testing, oppfølging og innføring av systemoppgraderingar og ny funksjonalitet
• bidra til vidareutvikling og implementering av funksjonalitet, rutinar og fellesløysingar
• bidra i digitaliserings‑, utviklings- og standardiseringsarbeid
• lokal systemadministrator KS Fiks og eInnsyn
• andre oppgåver knytt til eininga sine ansvarsområde

Kvalifikasjonar

Du har:

• relevant høgare utdanning på minimum bachelornivå
• god systemforståing og interesse for digitale løysingar
• evne til å setje deg raskt inn i nye fagområde, system og prosessar
• gode munnlege og skriftlege norskkunnskapar
• interesse og erfaring med samarbeid på tvers

Det er ønskjeleg at du har:

• teknisk kompetanse
• kjennskap til sak-arkivsystem og Altinn
• erfaring frå system- og kvalitetsarbeid
• kjennskap til dokumentforvaltning og aktuelt lovverk

Personlege eigenskapar

Du kjenner deg igjen i verdiane våre som er kompetent, open og modig.

Vi søkjer deg som:

• har teknisk kompetanse, god systemforståing og interesse for digitale løysingar
• arbeider strukturert og nøyaktig, og har god gjennomføringsevne
• er serviceinnstilt og løysingsorientert, med gode samarbeidsevner
• evnar å sjå heilskap og samanhengar i system og arbeidsprosessar
• er sjølvstendig og komfortabel med å prioritere og ta nødvendige avgjerder
• tek initiativ, likar ansvar og er trygg i rolla som fagleg rådgjevar

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spanande stilling i eit arbeidsmiljø med høg fagleg kompetanse
• gode moglegheiter for fagleg utvikling
• høve til heimekontor etter gjeldande avtale i VLFK
• stillingskode spesialkonsulent, teknisk fagstilling eller rådgjevar etter utdanning og VLFK sine retningslinjer
• løn etter avtale
• gode offentlege pensjons- og forsikringsordningar