Leiar for dokumentsenteret

Vestland fylkeskommune søkjer ein trygg og utviklingsorientert leiar for dokumentsenteret. Stillinga har eit sentralt ansvar for god dokumentforvalting og arkiveringspraksis i fylkeskommunen, og er viktig for å sikre openheit, rettstryggleik og effektiv saksbehandling. Stillinga inneber personalansvar for om lag 13 tilsette. 

Dokumentsenteret er ein del av sentraladministrasjonen i Vestland fylkeskommune og er lagt til avdeling IKT og Digitalisering (IDI). Dokumentsenteret er lokalisert i Leikanger. Dokumentsenteret støttar både administrative og politiske prosessar, og samarbeider tett med leiarar og fagmiljø i heile fylkeskommunen. Stillinga gir høve til å påverke vidare utvikling av digitale løysingar, rutinar og arbeidsformer innan dokumenthandtering.

Arbeidsoppgåver

• Leiing og vidareutvikling av dokumentsenteret
• Personalansvar og oppfølging av medarbeidarane
• Ansvar for dokumentforvalting og arkivfunksjonar
• Systemansvar for Altinn og sak-arkivsystemet Elements
• Vidareutvikling og automatisering av rutinar, prosessar og kvalitet innan dokumenthandtering
• Bidra til etterleving av arkivlova, offentleglova, forvaltningslova og anna relevant regelverk
• Rådgjeving og støtte til leiarar og fagmiljø i organisasjonen
• Bidrag i utviklings- og digitaliseringsarbeid
• Samarbeid med interne og eksterne aktørar
• Andre oppgåver knytt til eininga sine ansvarsområde

Kvalifikasjonar

Vi ser etter deg som:

• har relevant høgare utdanning (minimum bachelor)
• har leiarerfaring med personalansvar
• har god munnleg og skriftleg framstillingsevne på norsk
  
  Det er ønskjeleg med:
• kjennskap til dokumentforvalting og arkivfagleg regelverk
• erfaring med digitale sak- og arkivsystem
• erfaring frå endrings- og utviklingsarbeid
  
  Den som vert tilsett må kunne tryggleikklarerast.

Personlege eigenskapar

Du kjenner deg igjen i verdiane våre som er open, kompetent og modig.

Vi legg vekt på at du:

• utøver tydeleg, trygg og tillitsbasert leiing
• er utviklingsorientert og løysingsfokusert
• arbeider strukturert og målretta
• har gode samarbeidsevner
• har evne til å sjå heilskap og prioritere
  
  Personlege eigenskapar vil bli lagt særleg vekt på ved tilsetjing.

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spanande stilling i eit arbeidsmiljø med høg fagleg kompetanse
• gode moglegheiter for fagleg utvikling
• høve til heimekontor etter gjeldande avtale i VLFK
• løn etter avtale
• gode offentlege pensjons- og forsikringsordningar

Kontaktinformasjon

Svein Helge Steinsaker, seksjonsleiar, +47 90895078

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 5108966603
Stillingsprosent: 100%
Fast
Søknadsfrist: 30.04.2026