Rådgivar vassforvaltning Sunnmøre

Vil du bidra til eit betre vassmiljø på Sunnmøre?

Vi treng deg som vil leie an i arbeidet med å betre vassmiljø og økosystem i vassførekomstane på Sunnmøre. Her får du samarbeide breitt for å jobbe fram gode løysingar som gir konkrete resultat for vassmiljøet.

Arbeidsoppgåver

I stillinga skal du mellom anna

• koordinere innsatsen i vassområda Søre Sunnmøre og Nordre Sunnmøre for å følge opp miljømåla i regional vassforvaltningsplan.
• føre fram det faglege og administrative arbeidet i vassområdeutvala og følge opp og rettleie kommunane.
  
• bidra til og drive fram kartlegging, planlegging og gjennomføring av tiltak som betrar vassmiljøet i samarbeid med kommunar, sektormyndigheiter, frivillige og grunneigarar.
•  behandle saker og gi innspel til mellom anna høyringar og planer.

Kvalifikasjonar

Stillinga har også nokre krav:

• Du har naturfagleg utdanning på masternivå som har gitt deg god kunnskap om forvaltning av økosystem.
• Du har erfaring med å leie prosjekt eller prosessar.
• Du er god til å kommunisere både muntleg og skriftleg på norsk.

Relevant erfaring frå offentleg forvaltning, som planarbeid eller saksbehandling, kan vere ein fordel. 

Personlege eigenskapar

Du har gjerne nokre av desse eigenskapane:

• Du har engasjement og interesse for vassmiljø og levande økosystem.
• Du er god til å formidle faglege tema og engasjere til breie og gode samarbeid.
  
• Du trivst med å koordinere og drive fram tiltak og samarbeid på tvers av aktørar.
• Du likar å finne faglege og praktiske løysingar på utfordringar.

Vi tilbyr

• eit dyktig, engasjert og samarbeidsorientert fagmiljø
• fagleg utvikling og varierte oppgåver du sjølv kan vere med å utforme
• moglegheiter for fagleg fordjuping og oppdatert kompetanse
• ein arbeidsplass som legg til rette for fleksibilitet i arbeidskvardagen, med kontorstad i Molde eller Ålesund
• offentleg pensjonsordning, gruppelivs- og ulykkesforsikring
• løn etter avtale
  

 

Kontaktinformasjon

Birgit Aarønæs, Seksjonsleiar, +4791886088, birgit.aaronas@mrfylke.no
Håkon Slutaas , Rådgivar vassforvaltning, 97594361, hakon.slutaas@mrfylke.no

Arbeidsstad

Julsundvegen 9
6412 Molde

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5070993572
Stillingsprosent: 100%
Fast
Søknadsfrist: 02.03.2026