Førstelektor/ høgskulelektor/høgskulelærar i kommunikasjon

Om stillinga

Avdelinga har om lag 55 tilsette, 600 studentar og samarbeider med partnarar i inn- og utland.

Den som vert tilsett vil ha hovuddelen av stillinga knytt til bachelorgradsprogrammet i PR, kommunikasjon og media, men vil også undervise og rettleie i andre program og emne ved Høgskulen i Volda eller våre samarbeidspartar. Aktuelle undervisningsemne for stillinga vil vere dei praktiske emna innan kommunikasjon, journalistikk og medieproduksjon. Dette kan innebere å undervise i mellom anna praktisk medie- og kommunikasjonsarbeid innanfor nye, digitale verktøy, grunnleggande kommunikasjonsteori, strategisk kommunikasjon, public relations, journalistikk, samfunnskunnskap, medievitskap og vitskapleg metode, organisasjonsteori, verdiar og etikk, samt makt og demokrati. I tillegg kjem rettleiing i samband med praktiske prosjektoppgåver, avsluttande oppgåver i kommunikasjon eller journalistikk, samt rettleiing av studentar i samband med fellesemne på bachelor- og masternivå.

Kvalifikasjonar

• For kvalifikasjonar på ulike kompetansenivå (Førstelektor, høgskulelektor og høgskulelærar), viser vi til kapittel 3: Forskrift om ansettelse og opprykk i undervisnings- og forskerstillinger
• For stilling som førstelektor krevst fagleg utviklingsarbeid på høgt nivå
• Søkjarar som ikkje tilfredsstiller kravet om høgre grads eksamen eller tilsvarande kan tilsetjast på vilkår om fullføring innan to år
• Utdanningsfagleg kompetanse er ein fordel, men du vert tilboden naudsynt opplæring i høgskulepedagogikk ved behov
• Gode skriftlege og munnlege norsk- og engelskkunnskapar

 

Søkjarar bør ha:

• Erfaring frå undervising innan høgare utdanning
• Relevant, praktisk erfaring frå det kommunikasjonsfaglege praksisfeltet
• Erfaring frå rettleiing av studentar i praktiske oppgåver
• Interesse for studentaktiv undervisning
• Erfaring frå forskings- og utviklingsarbeid
• Gode samarbeids- og kommunikasjonsevner
• Evne til problemløysing og kreativitet
• Evne til å ta initiativ og arbeide sjølvstendig
• Personlege eigenskapar vert særleg vektlagde

 

 

Ved vurdering og rangering av kvalifiserte søkjarar vert det lagt vekt på:

• Utdanningsbakgrunn
• Relevant yrkespraksis innan kommunikasjonsarbeid eller journalistikk
• Erfaring frå undervisning og rettleiing frå universitets- og høgskulesektoren
• God evne til å kommunisere og samarbeide med studentar og kollegaer
• Personlege eigenskapar som kan bidra positivt til studie- og arbeidsmiljøet
• Interesse for å følgje med på trendar innan medium og kommunikasjon og halde seg oppdatert på endringar og utvikling
• Forskings- og utviklingsarbeid dersom ein søker stilling som førstelektor.

 

 

Arbeidsfelt

Faglege stillingar er delt inn i ein forskings- og utviklingsdel, ein undervisingsdel og ein formidlingsdel. Du vil ta del i mellom anna praktisk og teoretisk undervisning, rettleiing og fagleg utvikling, internpraksis og administrative oppgåver. Du må også rekne med å ta del i arbeidsoppgåver innan andre emne ved HVO og i ekstern verksemd. Du vil få høve til å ta del i det vidare arbeidet med medie- og kommunikasjonsfagets profil og utvikling av nye studietilbod. I forskings- og utviklingsdelen er det forventa at du bidreg aktivt i utvikling av forskingsprosjekt og -samarbeid. Arbeidsoppgåver kan verte endra ved skifte i fagleg tilbod eller personalsamansetning.

Vi tilbyr

Vi kan tilby eit spanande arbeidsmiljø med høve til fagleg og personleg utvikling og gode pensjonsordningar. Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodane ved Høgskulen i Volda:  Høgskulelærar, stillingskode 1007, kr. 575 000- 640 000, høgskulelektor stillingskode 1008 kr. 650 000 -784 185, førstelektor stillingskode 1198 kr. 770 310-862 285 .

 

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål, attestar og CV. 

- Masteroppgåve 
- Eventuelle vitskaplege arbeid
- Kort plan for framtidig FoU-arbeid
 

Dei faglege kvalifikasjonane vert vurderte av sakkunnig komité.
Aktuelle kandidatar blir kalla inn til intervju og eventuell prøveundervisning. Det er planlagt intervju i februar med mål om tilsetjing i mai 2026.

Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Kontakt

Nærare opplysningar om stillinga får ein ved å vende seg til dekan Ivar John Erdal, ivar.john.erdal@hivolda.no, tlf.: 909 19 596.

 

Om avdelinga

Vi byr på eit av landets største medie- og kommunikasjonsfaglege miljø.

Kommunikasjonsutdanninga i Volda er over 50 år, og er ei ettertrakta utdanning med svært god rekruttering frå inn- og utland. Utdanninga har faste praksisordningar med store verksemder i alle delar av landet. Miljøet tek del i regionale, nasjonale og fleire internasjonale forskings- og utviklingsprosjekt

Den som vert tilsett vil ha hovuddelen av stillinga knytt til bachelorgradsprogrammet i PR, kommunikasjon og media, men vil også undervise og rettleie i andre program og emne ved Høgskulen i Volda eller våre samarbeidspartar. Aktuelle undervisningsemne for stillinga vil vere dei praktiske emna innan kommunikasjon, journalistikk og medieproduksjon. Dette kan innebere å undervise i mellom anna praktisk medie- og kommunikasjonsarbeid innanfor nye, digitale verktøy, grunnleggande kommunikasjonsteori, strategisk kommunikasjon, public relations, journalistikk, samfunnskunnskap, medievitskap og vitskapleg metode, organisasjonsteori, verdiar og etikk, samt makt og demokrati. I tillegg kjem rettleiing i samband med praktiske prosjektoppgåver, avsluttande oppgåver i kommunikasjon eller journalistikk, samt rettleiing av studentar i samband med fellesemne på bachelor- og masternivå.

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

Video: https://www.youtube.com/watch?v=wSlL1WkuUXc