Personalkonsulent - 1 års vikariat

Om arbeidsstaden

Personal- og organisasjonsutvikling har ansvar for personaladministrasjon, kompetanseutvikling, organisasjonsutvikling, leiarutvikling, rekruttering, HMS og sjukefråvær, arbeidsrettslege tema, arbeidsgjevarpolitikk, drøftingar og forhandlingar med arbeidstakarorganisasjonar. Austevoll kommune har fokus på vidareutvikling og forbetring av rutinar og stillinga skal bidra til at vi driftar kommunen effektivt og utviklar kommunen som arbeidsgjevar til beste for både tilsette og innbyggjarane.

Austevoll kommune er under omstilling. Arbeids- og ansvarsområde kan derfor bli endra.

Om stillinga

Austevoll kommune har ledig 1 års vikariat i perioden 15. juni 2026 - 14. juni 2027 som personalkonsulent. 

Stillinga høyrer til avdeling for Personal- og organisasjonsutvikling og rapporterer til personalsjef. Austevoll kommune er under omstilling. Arbeids- og ansvarsområde kan derfor bli endra.

Og veit du at dersom du bur i Austevoll kan du få sletta studiegjeld? Bur du her kan du kvart år få sletta 25.000 kroner av studielånet ditt. Dette er nytt frå januar 2026, sjå meir informasjon om ordninga på Lånekassen si heimeside: Sletting av gjeld i utvalgte kommuner

• Personaladministrativ arbeid med særleg vekt på rekrutteringsprosess 
• Støtte og rådgje leiarar og medarbeidarar i personaladministrative saker 
• Rutineutvikling av ulike arbeidsprosessar innan HR-feltet
• Vidareutvikla personal- og leiarhandbøker
• Sekretariatsfunksjonar for ulike råd og utval
• Forenkling og forbetring av administrative prosessar
• Sakshandsaming innanfor feltet

Kvalifikasjonskrav

• Relevant høgare utdanning på minimum bachelornivå. Søkjarar med lang erfaring innan arbeidsfeltet kan erstatta utdanningskravet.
• Administrativ erfaring og kompetanse innan HR er ønskleg
• Kjennskap til bruk av administrative datasystem og generelt god IKT-kompetanse.
• Kunnskap om arbeidsrett og kollektive avtalar er ein fordel.
• Erfaring frå offentleg forvaltning er ein fordel.
• God skrifteleg og munnleg kompetanse.
• Internasjonale gradar må vere godkjent av NOKUT.

Søkar må vere personleg eigna for stillinga. For oss er det svært viktig at du har gode kommunikasjons- og samarbeidsevner. Vi søker deg som evner å ta initiativ, som arbeider sjølvstendig og likar å arbeide i team. Vidare søker vi deg som:

• er fleksibel
• har fagleg engasjement for HR-feltet
• har stor arbeidskapasitet og fokus på kvalitet
• arbeidar systematisk og strukturert
• er positiv og bidrar til eit godt arbeidsmiljø

Vi tilbyr

• Moglegheit for fagleg utvikling i eit godt og positivt arbeidsmiljø.
• Spanande utfordringar.
• Løn etter kvalifikasjonar. 
• Gode pensjons- og forsikringsordningar.

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.