Koordinator tidleg innsats barn og unge

«Det var bra eg kom», er visjonen for ein oppvekst i Giske kommune, basert på barn og unge si erfaring i oppveksten. Er du engasjert og brenn for å arbeide med barn og unge? Har du lyst til å gjere ein forskjell, og bidra til innanforskap og inkludering? Då kan du vere den vi ser etter!

Giske kommune søker etter koordinator tidleg innsats for barn og unge i 100 % fast stilling, med oppstart 01.07.26. I denne stillinga vil du få ein spennande arbeidskvardag i eining for samhandling og koordinering. Du vil vere ein del av SLT-teamet som arbeider med førebygging og tidleg innsats knytt til barn og unge.  

Vi ser etter deg som er god på å bygge relasjonar til barn og unge, og som ser verdien av samarbeid og samhandling med fagpersonar, frivillige, lag og organisasjonar. Du må vere strukturert og fleksibel, og like ein kvardag med varierte og spennande oppgåver.

I tillegg til formell utdanning og praksis vert det lagt vekt på personlege eigenskapar og at ein er skikka for stillinga. 

Det er krav om gyldig politiattest av ny dato.

Vi ber om at vitnemål vert lagt ved søknaden.

Arbeidsoppgåver

• Ha oversikt over og bidra aktivt til utvikling av lågterskeltilbod til barn og unge i kommunen
• Bidra til å utvikle positive fellesskap, aktivitetar og meistringsarenaer for barn og unge
• Etablere og vidareutvikle samarbeid med frivillige lag og organisasjonar, næringsliv og kommunale tenester, og vere ein aktiv ressurs og rettleiar på tvers av desse områda
• Drift og utvikling av ungdomsklubben ØY’NE saman med ungdomsarbeidar/SLT-koordinator.

Noko kveldsarbeid må påreknast. 

Stillinga er nyoppretta, og oppgåvene vil derfor vere dynamiske og i utvikling.

Kvalifikasjonar

• Minimum 3-årig relevant høgskule- og/eller universitetsutdanning
• Erfaring med og kompetanse på arbeid med barn og unge
• God digital kompetanse
• God samarbeids- og samhandlingskompetanse
• God norsk munnleg og skriftleg framstillingsevne
• Må ha førarkort klasse B og disponere eigen bil

Personlege eigenskapar

• Fleksibel og positiv
• Resultat- og løysingsorientert
• Stor arbeidskapasitet
• God relasjonskompetanse
• Evne til å jobbe både sjølvstendig og i team
• Evne til å sjå samanheng og heilskap
• Nytenkande og trygg i arbeid med utvikling av nye tiltak

Vi tilbyr

• Godt arbeidsmiljø og kollegaer med god kompetanse og erfaring
• Godt tverrfagleg samarbeid i ein utviklingsorientert kommune
• Fleksitidordning
• Løn og tilsetting på kommunale vilkår og pensjonsordning gjennom KLP

Synes du dette høyres interessant ut? Ta kontakt for utfyllande informasjon om stillinga.

Kontaktinformasjon

Merethe Kristin Våge, Stabsleiar, +47 90080293

Arbeidsstad

Valderhaug 4
6050 Valderøya

Nøkkelinformasjon:

Arbeidsgivar: Giske kommune

Referansenr.: 5097894267
Stillingsprosent: 100%
Fast
Søknadsfrist: 10.04.2026