Barne- og ungdomsarbeidar ved Vigra barnehage

Vigra barnehage har ledig 100 % engasjementstilling som barne- og ungdomsarbeidar. Tilsetjinga gjeld for barnehageåret 2026/2027, men kan bli forlengt.

Midt på vakre Roald, omringa av natur på alle kantar, ligg Vigra barnehage. Der skal både små og store kjenne at "i dag var det bra eg kom". Vi har 3 avdelingar i barnehagen, ei småbarnsavdeling og to storbarnsavdelingar. Her jobber vi målretta for å skape eit inkluderande, trygt og utviklande miljø for alle barn.

Kven er du? Vi søkjer ein medarbeidar som:

• har eit varmt engasjement for barn og barndom
• jobber bevisst for å byggje gode relasjonar med både barn, foreldre og kollegaer
• er leiken, til stades og oppriktig glad i å vere saman med barna
• samarbeidar godt og bidreg positivt inn i arbeidsmiljøet
• ønskjer å vere med og utvikle ein barnehage der livsmeistring, inkludering og fellesskap står sterkt
• er glad i å vere ute og bruke naturen som ein pedagogisk arena

Giske kommune og Vigra barnehagen har dei siste åra jobba for å skape ein  inkluderande praksis. Det betyr at vi jobbar for å tilpasse læringsmiljøet til mangfaldet hos barna, og gi alle ei reell moglegheit til å vere aktive deltakarar i både det faglege og sosiale fellesskapet. Framover kjem barnehagen til å ha fokus på eit "Trygt og godt barnehagemiljø".  Det betyr at vi jobbar for at alle barn som går i barnehage får ein god barndom der trivsel, vennskap og leik er fundamentalt, og der barna er ein del av eit trygt fellesskap.

Kvifor Vigra barnehage? Hos oss får du:

• ein arbeidsplass med høg fagleg bevisstheit og varme verdiar
• eit personale som heier på kvarandre
• ein naturleikeplass rett utanfor døra  i form av både skog, fjøre og fjell

Vil du bli betre kjent med oss så sjekk oss gjerne ut på Facebook: https://www.facebook.com/vigra.barnehage

Menn blir oppmoda om å søkje.

I tillegg til formell kompetanse blir personlege eigenskapar og at ein er skikka for stillinga vektlagt.

Det er krav om politiattest av ny dato.

Dokumentasjon på utdanning og praksis skal sendast som vedlegg til søknaden.

Kvalifikasjonar

• Vi ønskjer helst søkjarar med fagbrev som barne- og ungdomsarbeidar, men andre kan også søkje.
• Det er ønskjeleg med erfaring frå liknade arbeid.
• Må kunne bygge gode, trygge relasjonar og kunne stå i det òg når ein vert utfordra.
  
• God digital kompetanse
• Gode norskkunnskapar, både munnleg og skriftleg

Personlege eigenskapar

• Evne til å skape gode relasjonar og tillit.
• Evne til å møte barnet der det er.
• Vilje og evne til fleksibilitet, løysingsviklje og til å ha barn sitt beste i fokus.
• Gode samarbeidsevner med barn og vaksne.

Kontaktinformasjon

Sonja Roaldsand Skodje, einingsleiar, +47 41702315

Arbeidsstad

Bakarvegen 8
6040 Vigra

Nøkkelinformasjon:

Arbeidsgivar: Giske kommune

Referansenr.: 5132980716
Stillingsprosent: 100%
Engasjement
Søknadsfrist: 04.06.2026