Sokneprest i Aukra

Vil du vere med og bygge ein kyrkjelyd for barn, unge og voksne? Vil du bli del av ein stab der jazzen og leiken har ein plass? Aukra kyrkjelyd er på jakt etter ein ny prest, ein trygg og samlande person som evner å møte alle aldersgrupper, i alt frå babysang til kriseomsorg.
Aukra er ein eittsoknskommune med nesten 3800 innbyggarar, der om lag 2/3 bur på hovudøya Gossen, 1/3 i fastlandsdelen Julsundet og nokre få på øya Orten. Ferja mellom Gossen og Julsundet går jamleg og tek 12 minutt. På Gossen er arbeidet godt etablert i kyrkja, og kyrkjelydshuset. På Julsundet er samfunnet prega av nybygging, og soknepresten vil bli utfordra til å jobbe saman med prestane i nabokommunen Hustadvika for å bygge arbeidet på Julsundet, då mange vel Vågøy kyrkje for å nytte kyrkja sine tenester.
Soknepresten vert del av en stab samansett av kyrkjeverje (100%), kantor (60%), kyrkjelydspedagog (40%, vakant), kyrkjetenar (30%), kyrkjegardsarbeidar (80%) samt lønna klokkarar.
Aukra kommune er ein kommune i vekst. Kommunen har godt utbygde servicetilbod, eit aktivt kor-, kultur- og idrettsliv og stor kristeleg aktivitet.  Kyrkja er ei åttekantkyrkje i tømmer frå 1835 og ligg på Gossen, kvar vår blir den vakkert ramma inn av påskeliljemarka.
Aukra ligg i Molde domprosti som omfattar kommunane Molde, Aukra, Hustadvika, Vestnes og Rauma. Soknepresten i  Aukra er del av eit prestefellesskap på 19, deriblant fengselsprest. Prestane har tilbod om å møtes til tekstgjennomgang kvar veke, og fagsamling ein gong i månaden.

Arbeidsoppgåver

• Soknepresten skal i tråd med "Tenesteordning for kyrkjelydsprestar" forvalte Ord og sakrament slik at kristen tru og liv vert fremja i kyrkjelydane.
• I tillegg til gudstenester og kyrkjelege handlingar, leier presten konfirmantarbeidet, tek del i undervisningsarbeidet, utøver sjelesorg og andakter på omsorgssenteret.
• Alle prestar i prostiet går inn i beredskapsordning

Kvalifikasjonar

• Dei formelle kvalifikasjonskrava for tilsetjing som kyrkjelydsprest er å finne i "Forskrift om tilsetting av kyrkjelydsprest".
• Søkjar må kunne samarbeide også liturgisk med kollegaer uavhengig av kjønn eller teologiske ståstad.
• For å bli tilsett må ein ha sertifikat og kunne disponere eigen bil.

Personlege eigenskapar

• Vi søkjer etter ein prest med lyst og evne til å utøve pastoralt leiarskap, bygge kyrkjelyd, og vere ein pådrivar for å skape eit «vi» som omfavner menneske med ulik alder, bakgrunn, etnisitet og oppfatning.
• Du må kunne arbeide med struktur og planlegging og like å samarbeide med stab, frivillige, sokneråd og fellesråd om planar og visjonar.
• Kontaktskapande med evne til å byggje nettverk.
• Evne til å formidle evangeliet til ulike aldersgrupper.
• Personlege eigenskapar vil bli vektlagde.

Vi tilbyr

• Løn etter hovudtariffavtalen i Den norske kyrkja, lønsgruppe 1555 sokneprest.
• Innskot i KLP.
• Godtgjersler og tilskot etter dei vilkår som til kvar tid er fastsette.
• Vi legg vekt på å tilby gode vilkår for kompetanseutvikling, arbeidsvegleiing (ABV) og andre former for vegleiing.
• Eit godt samarbeid i stab, og mellom dei tilsette i prostiet. Prestane møtest regelmessig til kollega- og fagsamlingar.
  
  ANNA:
  Søkjar må opplyse om han/ho beherskar begge målformer. Liturgi og tenestemål i området er nynorsk.
  Møre bispedøme skal vere ein arbeidsplass med rom og respekt for mangfald, uavhengig av etnisitet, alder, kjønnsidentitet, funksjonsevne eller legning. Vi oppfordrar derfor alle kvalifiserte kandidatar til å søke.
  Den som får tilbod om stillinga må legge fram barneombodsattest (politiattest), jfr Lov om tros- og livssynssamfunn § 20.
  Søkjarar som ikkje er ordinerte, vert bedne om å gjere greie for tilhøvet til programmet "Veien til presteteneste"" (VTP). Ordinasjon føreset normalt fullført VTP.
  Ordinert søkjar som er statsborgar i anna EØS-land vert gjort merksam på krav om attest som viser autorisasjon til presteteneste i Den norske kyrkja, gjeve av Kyrkjerådet, krav om medlemskap i Den norske kyrkja og krav om å beherske norsk språk, jfr Forskrift om tilsetting av menighetsprest §6.
  Du er velkomen til å sende din søknad med CV, vitnemål og referansar via vårt elektroniske system, Webcruiter. Dersom du ikkje ynskjer namnet ditt på den offentlege søkjarlista, må dette grunngjevast i søknaden. Grunnane vil bli vurdert individuelt. Dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort.
  

   

Kontaktinformasjon

Grethe Lystad Johnsen, Domprost, 41204720, grethe.lystad.johnsen@molde.kirken.no

Arbeidsstad

Kyrkjevegen 1
6480 Aukra

Nøkkelinformasjon:

Arbeidsgivar: Molde domprosti

Referansenr.: 5134235986
Stillingsprosent: 100%
Fast
Søknadsfrist: 19.06.2026