Sommarvikarar

Om stillinga

Kartverket si avdeling i Ullensvang har ansvaret for kundesenteret, samt tinglysing av burettslagsandelar, og me treng hjelp i sommar. På kundesenteret er me dagleg i kontakt med ulike kundar og brukargrupper. Dei fleste vil prata med oss på telefonen, medan nokre tek kontakt via e-post eller nettprat. Me rettleier i tinglysingsaker, og hjelper den enkelte med informasjon om saker knytt til eigedom og elles det meste som me i Kartverket arbeider med.

I avdelinga er me 45 medarbeidarar som arbeider fast her, men gjennom ferieavviklinga treng me å ha eit godt team med ferievikarar. Me søkjer derfor etter 12 ferievikarar som kan bistå oss gjennom sommarperioden.

Vårt primære behov for hjelp er frå juni til slutten av august. For å få sommarplanen til å gå opp er det svært viktig at du skriv kva tidsrom du kan arbeide i når du sender ein søknad til oss.

Høyrest det givande ut å jobbe ein stad med eit inspirerande samfunnsoppdrag? Då trur me du vil trivast hjå oss! Og du vil jobbe saman med ein engasjert, sosial og fagleg dyktig gjeng.

Bli kjent med Kartverket

Arbeidsoppgåver

Når du kjem til oss får du god opplæring om eigedom og tinglysing, og du får også litt innblikk i mykje av det andre Kartverket driv med. I hovudsak vil arbeidsoppgåvene vera å:

• I hovudsak arbeide på kundesenteret og svare på spørsmål som kjem inn via telefon. 
• Svare på nettprat eller e-post kan bli aktuelt
• Utføre andre oppgåver kan også bli aktuelt 

Kvalifikasjonskrav

• Du må ha gjennomført vidaregåande skule og vera over 18 år. Det er ei ekstra føremon om du har starta på høgare utdanning
• Du må ha god norskkunnskap, både skriftleg og munnleg
• Det er ynskjeleg med utdanningsløp frå juss, samfunnsfag eller anna relevant studieretning
• Det er ein fordel med erfaring frå tinglysing, eller anna relevant erfaring

Personlege eigenskapar

• Positiv og hjelpsam
• Gode kommunikasjonsferdigheitar
• Tålmodig og forståelsesfull

Me tilbyr

• Spennande arbeidsoppgåver og gode læringssmoglegheiter i eit trivelig miljø
• Oppstart av pensjonspoeng i Statens pensjonskasse
• Sommarvikarane vert lønna som konsulent, kode 1065, frå kr 240,- til kr 260,- pr. time

Om søknaden din

Fyll ut felta “Utdanning” og “Arbeidserfaring” og last opp relevante vitnemål og eventuelle attestar. 

Kartverket er oppteken av mangfald og ynskjer å vere ein inkluderande arbeidsplass som speglar befolkninga. Me har behov for medarbeidarar med ulike bakgrunnar, erfaringar, kompetansar og perspektiv for å løyse vårt samfunnsoppdrag. Me oppfordrar derfor alle kvalifiserte kandidatar til å søkje. 

Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil me kalle inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylle visse krav. Du kan lese meir om positiv særbehandling på arbeidsgivarportalen. 

Søkjarlista er offentleg. Dersom du ønskjer å reservere deg frå oppføring på offentleg søkarliste, må dette grunngjevast. 

Om du treng teknisk hjelp til søknaden, ta kontakt med support hos Grade Jobbnorge.

• support@jobbnorge.no 
• 75542220