Barne- og ungdomsarbeidar/tilsvarande, 100% fast stilling

Om stillinga 

Byrknes barnehage og skule har frå medio august 2026, ledig 100% fast stilling som barne- og ungdomsarbeidar/eller tilsvarande kompetanse. Stillinga er i utgangspunktet tenkt å vere knytt til både arbeidsoppgåver i barnehage, SFO og skule. Stillinga har ikkje komprimert arbeidstid. 

Byrknes barnehage og skule består av 1-10- skule og barnehageavdeling. Klikk deg inn her for å lese meir om barnehagen ved eininga, og her for meir informasjon om skulen/SFO. 

Ved Byrknes barnehage og skule er det læring og trivsel som står i høgsetet. Eininga er oppteken av å ha eit trygt og godt skulemiljø, kor gode relasjonar mellom elevar og vaksne er avgjernade for ein god skulekvardag.

Arbeidsoppgåver

• Medverke til at barnehage, skule, SFO er ei god pedagogisk verksemd 
• Medansvar for tilsyn, omsorg og pedagogisk arbeid med barna 
• Delta i planlegging, rettleiing, gjennomføring, evaluering og vurdering i verksemda 
• Arbeidsoppgåver knytt til enkeltbarn 
• Arbeidsoppgåver knytt til elevar frå Ukraina 
• Andre oppgåver etter behov

Kvalifikasjonar 

• Fagbrev som barne- og ungdomsarbeidar eller tilsvarande kompetanse. Søkjarar utan godkjent utdanning kan verte vurdert for mellombels tilsetjing
• Gode norskkunnskapar - både munnleg og skriftleg
• Gyldig politiattest 

Personlege eigenskapar 

• Trivst, kommuniserer og samhandlar godt med barna, føresette, kollegaer og andre samarbeidspartnarar
• Kan bidra til eit godt og stabilt arbeidsmiljø for både barn og vaksne
• Er strukturert, men likevel kunne vere spontan i møtet med barna
• Fleksibel og har gode samarbeidsevner
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering 
• Løn etter tariff