Tilretteleggar for barn og unge - vikariat

Vi søker deg som ynskjer å gjere ein forskjell for andre. Du trives med at det er mykje som skjer, og har evne til å ha oversikt og orden innan organisering, framdrift og økonomi. Hjå oss vil du få eit unikt innsyn i den største humanitære organisasjonen i Noreg.

Vi ynskjer å rekruttere deg som kan bidra til å vidareutvikle og styrke aktiviteten for barn og unge i Sogn og Fjordane. Du vil arbeide tett med og på vegne av aktive, engasjerte og erfarne frivillige, som har stor fagleg og operativ kunnskap. Vi søker deg som er flink til å lytte, og til å forstå kva dine frivillige oppdragsgjevarar treng av bistand og tilrettelegging, og som leverer dette.

Utfordringa Røde Kors og andre har sett mål om å påverke er stor, og vi har ulike verkemiddel.  Ferie for alle, der barnefamiliar med utsett økonomi får eit gratis ferieopphald, er eit av Røde Kors sine tilbod. I Sogn og Fjordane er Ferie for alle ein stor aktivitet, med fleire hundre deltakarar kvart år. Den som skal fylle stillinga vil vere ansvarleg for å vidareføre dette tilbodet i minst tilsvarande omfang og kvalitet som til no, samt andre tilbod retta mot denne målgruppa. 

Du blir del av eit kollegium på 10 engasjerte tilsette som dekker eit breitt spekter av humanitære og organisatoriske oppgåver frå vårt nyoppussa kontor i Førde sentrum.

Arbeidsoppgaver

• Planlegge, og legge til rette for påmelding, deltaking og evaluering av fleire årlege Ferie for alle-opphald for barnefamiliar, i nært samarbeid med frivillige, kollegaer, og kontaktpersonar i kommunale tenester.
• Planlegge, koordinere og evaluere andre tiltak retta mot barn og unge
• Legge til rette for godt mottak, opplæring og oppfølging av frivillige som er engasjert i arbeid med og for barn og unge i Røde Kors, inkludert evaluering av innsats.
• Fange opp lokale Røde Kors-ledd sine behov for oppfølging knytt til barn og unge.
• Bidra som distriktskontoret sin fagressurs for barn og unge
• Bidra i dialogen med Norges Røde Kors knytt til arbeidet med barn og unge

Kvalifikasjoner

• Høgare relevant utdanning. Lang, brei og relevant erfaring kan kompensere for utdanningskravet. 
• Relevant arbeidserfaring innan prosjektleiing, administrasjon, økonomi, organisering eller liknande.
• Du er ein god menneskekjennar og evner å tilpasse dine bidrag og påtrykk. 
• Du har god forståing for, og profesjonell erfaring med digitale verktøy. 
• Du har gode analytiske evner, og ser etter løysingar på utfordringar.
• Du må ha førarkort.

  

Personlige egenskaper

• Er ryddig, nøyaktig og strukturert. 
• Kan jobbe både planmessig og improvisere. 
• Har gode samarbeidsevner og kan jobbe i team. 
• Du likar å hjelpe andre til å lykkast.
• Du har god samfunnsforståing.
• Du er sjølvgåande og løysingsorientert.

Det vil vere ein fordel med god innsikt i organisasjonsarbeid, forståing for arbeidsforma i ein frivillig organisasjon og evne til å tilpasse seg denne. 
At ein er personleg egna vil bli vektlagt.

Vi tilbyr

• Meiningsfylte og spennande arbeidsoppgåver i den største frivillige humanitære organisasjonen i Noreg.
• Engasjerte og dyktige kollegaer og eit breidt kontaktnett i ein mangfaldig og inkluderande organisasjon.
• Gode pensjons- og forsikringsordninger.
• Ein fleksibel arbeidskvardag med ordningar for heimekontor og trening.
• Cellekontor i moderne og nyoppussa lokale i Førde sentrum.

Stillinga inneber noko reising, og du må rekne med noko forskjøven arbeidstid, med kvelds- og helgearbeid. Arbeidsforholdet er regulert av de(n) til ein kvar tid gjeldande tariffavtale(r) i verksemda, for tida: Hovedavtalen Tekna og Funksjonæravtalen Negotia.

Røde Kors er opptatt av mangfald. Vi oppfordrar alle som er kvalifiserte til å søke, uavhengig av alder, kjønn, funksjonsevne, livssyn eller etnisk bakgrunn. Vi tilpassar arbeidsplassen om det er behov.

 

Kontaktinformasjon

Dag Hovland, Dagleg leiar , 90894974, dag.hovland@redcross.no

Arbeidssted

Langebruvegen 28
6800 Førde

Nøkkelinformasjon:

Arbeidsgiver: Røde Kors

Referansenr.: 5075127734
Stillingsprosent: 100%
Vikariat
Startdato: 01.03.2026
Sluttdato: 01.03.2027
Søknadsfrist: 18.02.2026