Heimetenesta tilkallingsvikar 2026

Om stillinga

Sommarvikarar – Heimetenesta i Osterøy kommune

Heimetenesta i Osterøy kommune søkjer engasjerte og pålitelege sommarvikarar til pleie og omsorg i heimebaserte tenester. Me treng sommarvikarar til 

• Heimetenesta- omsorg og pleie til brukarar som bur heime
• Hauge Omsorgsbustad - 16 leiligheter med hemebuande brukarar. 
• Haldorvika aktivitetssenter for personar med demens- dagaktivitetstilbod

 

Me har behov for:

• Sjukepleiarar
• Helsefagarbeidarar
• Assistentar

Arbeidsperiode:
Primært frå veke 26 til og med veke 33.
Sommarvikarar som kan arbeida i 70-100% i minimum fire veker samanhengdane, blir prioriterte. 

Det vil bli lagt til rette for tidleg opplæring før oppstart, slik at du er godt kjend med arbeidsoppgåver, rutinar og arbeidsplass når sommaren startar.

Arbeidsoppgåver

• Omsorg til menneske i deira eigen heim 
• Bidra til å styrke brukarane sine eigne ressursar for å ivareta eige liv og helse (kvardagsrehabilitering og velferdsteknologi) 
• Planlegge sjølvstendig og ta raske avgjersler. 
• Utføre kliniske vurderingar og fortløpande vurdere brukars heilskaplege tilstand 
• Medikamenthandtering
• Samarbeid med pårørande 
• Samarbeid med kollegaer, ergo/fysio, sjukeheim og andre samarbeidspartar 

Kvalifikasjonskrav

• Erfaring frå omsorgs- eller helsefagleg arbeid er ein fordel, men det er ikkje eit krav. Opplæring vil bli gitt på arbeidsplassen
• Gode kommunikasjonsevner og evne til å skape tillit og tryggleik hjå brukarane våre
• Evne til å arbeide sjølvstendig og i team og samstundes vere fleksibel med omsyn til arbeidstider
• Søkjarar utanfor Skandinavia må dokumentera kunnskap i norsk skritfleg og muntleg gjennom bestått B1 test i norsk. For sjukepleiarar gjeld krav om bestått B2 test
• Krav om førarkort klasse B i Heimetenesta og Haldorvika, ikkje ved Hauge Omsorgsbustad

Vi tilbyr

• Ein meiningsfull og givande jobb med moglegheit til å gjere ein skilnad i menneskers liv
• Varierte og utfordrande arbeidsoppgåver 
• Eit inkluderande og støttande arbeidsmiljø med gode kollegaer 
• Opplæring og rettleiing for å sikre god kvalitet i tenesta 
• Gode pensjons- og forsikringsordningar, for tida plasserte hjå KLP

Video: https://youtu.be/5TIhcmaLglY

Spørsmål om stillinga

Om du får tilbod om stillinga må du leggje fram gyldig politiattest som er heimla i Helse- og omsorgstenestelova §5-4. Attesten kan ikkje vere eldre enn tre månader. 

Alle søknadar skal registrerast digitalt gjennom JobbNorge. 

Me intervjuar fortløpande.

Ved spørsmål om arbeidsstad eller arbeidsoppgåver er du velkomen til å ta kontakt med ein våre avdelingsleiarar. Kontaktinformasjon finn du nederst på denne sida. Du er sjølvsagt velkomen til å ta kontakt for ein uforpliktande prat om du berre ønskjer å vite meir om arbeidet før du eventuelt vel å registrere ein søknad!