Byggforvaltning

Om eininga:

Byggforvaltning er organisatorisk plassert under kommunalsjef for Samfunnsutvikling, og er ei sentral eining i kommunen sitt arbeid med å utvikle og forvalte eigedomsmassen. Eininga omfattar to avdelingar fordelt på fire lokasjonar, og har hovudansvar for forvaltning, drift og vedlikehald av kommunale bygg, tekniske anlegg, uteområde og grøntareal.

Byggforvaltning har ei viktig rolle i å sikre at kommunen sine bygg og anlegg er funksjonelle, trygge og tilgjengelege for innbyggjarane. Dette omfattar alt frå skular, barnehagar og helsebygg til kultur- og idrettsanlegg, samt uteområde og parkar som er viktige for trivsel, helse og berekraftig by- og tettstadsutvikling.

Framover står Byggforvaltning ovanfor fleire viktige satsingsområde, mellom anna:

• Berekraft – energieffektivisering, reduksjon av klimafotavtrykk og miljøvennlege løysingar i drift og vedlikehald.
• Livsløpsperspektiv – planlegging og investeringar som sikrar at eigedommane held høg standard over tid og gir best mogleg ressursutnytting.
• Digitalisering – auka bruk av digitale verktøy for drift, planlegging og dokumentasjon.

Arbeidsoppgåvene i stillinga vil vere varierte og dekkje heile verksemdsområdet innan eigedom, bygg, anlegg og park. Det vil vere høve til å bidra både på strategisk nivå, gjennom planlegging og utvikling, og på operativt nivå, gjennom praktisk oppfølging og gjennomføring.

Stillinga rapporterer til leiar for Byggforvaltning og inngår i eit kompetent og tverrfagleg miljø der samarbeid og kunnskapsdeling står sentralt.

Arbeidsoppgåver:

• Følgje opp og vidareutvikle kommunen sitt internkontrollsystem (Compilo) innafor byggforvaltning, mellom anna rutinar, årshjul, dokumentasjon og systematisk oppfølging.
• Koordinere og følgje opp tilsyn, revisjonar og pålegg frå eksterne (t.d. brannvesen, miljøretta helsevern og DSB).
• Sikre nødvendig brannteknisk dokumentasjon for kommunen sin bygningsmasse.
• Vere fagleg rådgjevar for leiing, eigedomsforvaltarar og driftspersonell i spørsmål knytt til internkontroll, brannførebygging og HMS
• Bidra til kompetanseheving internt i eininga gjennom rettleiing, fagleg støtte og enkle opplæringstiltak innan brann og HMS.
• Aktiv deltaking i både administrativ og operativ drift.

•  

Kvalifikasjonar:

-branningeniør

-HMS, risikostyring eller sikkerheit

-byggingeniørfag / bygg og anlegg

-ingeniørfag innan VVS, elektro, automasjon eller andre tekniske byggfag

• Dokumentert erfaring frå arbeid med internkontroll og etterleving av lov- og forskriftskrav, særleg innan brann og HMS.
• Gode generelle digitale ferdigheiter.
• Gode kommunikasjons evner både skriftleg og munnleg.
• Førarkort klasse B.

• Kjennskap til prosesser knytt til offentlege anskaffingar.
• Førarkort klasse BE.

Personlege eigenskapar:

• Du har evne og vilje til å skape eit godt arbeidsmiljø.
• Du trivs med samhandling.
• Du er sjølvstendig, strukturert og jobbar systematisk.
• Du er villig til å prøve ut nye løysningar.
• Du samarbeider godt på tvers av fagmiljø og nivå.
• Du er serviceinnstilt og imøtekomande.

Anna:

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Høve til kompetansebygging.

Kontakt:

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.