SmakeMeir søker matentusiast!

ViteMeir - Vitensenteret i Sogn og Fjordane AS

Skarpeteigvegen 2, 6854 Kaupanger

Stillingsannonsen er inaktiv.

Om jobben

Stillingstittel: Kokk - matentusiast
Type ansettelse: Fast, heltid 100%
Antall stillinger: 1
Arbeidssted: Hjemmekontor ikke mulig

Er du lidenskapeleg oppteken av mat? Er du klar for ein variert og innhaldsrik arbeidskvardag i eit spennande og triveleg arbeidsmiljø?

Har du lyst på ein jobb der ingen dagar er like, og der du får vere med å spre matglede i eit spennande og kreativt miljø? SmakeMeir -- kafeen til ViteMeir -- leitar no etter deg som vil vere med på laget vårt! Me ser etter ein kjøkkenassistent eller kokk (matentusiast likar me å kalle det) som likar å lage mat frå botnen og som brenn for berekraft, smak og stemning. Hos oss er det ikkje viktigast kva som står på papiret, men kven du er. Har du erfaring frå matbransjen? Fantastisk. Har du fagbrev? Endå betre. Har du verken eller, men eit ekte engasjement for mat og vilje til å lære? Då vil me høyre frå deg! Kvifor jobbe hos oss? ViteMeir er eit vitensenter som inspirerer til leikande læring -- og det gjeld også i kafeen vår. I SmakeMeir lagar me alt frå lunsj og møtemat til catering og selskapsmat. Me jobbar for å redusere matsvinn, brukar lokale og økologiske råvarer, og lagar mat med både hjartet og hovudet. Du vil bli ein del av eit engasjert team og arbeidsoppgåvene dine vil vere varierte: matlaging, planlegging, servering og tilrettelegging for arrangement. Me ser etter deg som:

Elskar å lage mat
Er ein lagspelar -- og likar å jobbe saman med andre
Har godt humør og ei dose kvardagsironi (tørr humor går fint, berre ikkje tørr mat 😉)
Er fleksibel, effektiv og løysingsorientert
Er nysgjerrig, initiativrik og tek ansvar

Dette tilbyr me:

Fast stilling i 50--100 % etter avtale
Variert og utviklande arbeidskvardag
Kreativt og inkluderande arbeidsmiljø
Primært arbeid på dagtid, noko kveld og helg
Gode pensjons- og forsikringsordningar
Løn etter avtale

Praktisk info:

Søknadsfrist: 2. januar 2026
Oppstart: snarast, eller etter avtale
Arbeidsstad: ViteMeir på Kaupanger i Sogndal kommune
Du må legge fram politiattest ved oppstart
Har du spørsmål?

Ta kontakt med Leiar for mat og drikke, Lise Sundberg, lise.sundberg@vitemeir.no , tlf. 908 43 828
Søknad med CV skal sendast til jobb@vitemeir.no

Om bedriften

ViteMeir -- Vitensenteret i Sogn og Fjordane as -- opna på Kaupanger i Sogndal kommune 11. november 2021. Senteret er eit besøks- og opplevingssenter for barnehagar og skular og fritidsgjestar. ViteMeir sin visjon er å inspirere til leikande læring. Den faglege profilen til vitensenteret er REINT -- Ressursar -- Energi -- Idémyldring -- Natur -- Teknologi. Dette er har me fokus på i både utstillingar, læringsopplegg og i den daglege drifta.

ViteMeir er òg ein unik møte- og arrangementsarena for næringslivet. Kafeen SmakeMeir er ein viktig del av totaltilbodet frå ViteMeir og har eit stort fokus på reduksjon av matsvinn og bruk av lokale og økologiske råvarer. SmakeMeir lagar både lunsj- og møtemat, catering og selskapsarrangement i tillegg til vanleg kafédrift. ViteMeir har om lag 15 årsverk fordelt på om lag 30 tilsette. I SmakeMeir er det i dag om lag 3 årsverk og me er på jakt etter ein nytilsett som kan vere med på å styrke det engasjerte laget vårt!