Helsesekretær/Sekretær

Seksjon for Barn og unge, SNR Hjelset, har ledig 50% fast stilling frå snarast for helsesekretær/sekretær!

Denne stillinga inneber arbeid i ekspedisjonen som postsekretær ved Sengepost for barn og unge på SNR Hjelset. Vi tilbyr ein variert arbeidskvardag der du møter pasientar og pårørande både fysisk og på telefon. Du samarbeider tett med andre sekretærar, sjukepleiarar og leger i seksjonen slik at vi får ein god flyt i arbeidskvardagen, der høg fagleg kvalitet og pasientsikkerheit i fokus.

Sjukehuset på Hjelset er ein del av Helse Møre og Romsdal og opna dørene våren 2025. Med topp moderne fasilitetar og pasientforløp i fokus, er vi stolte av å kunne tilby behandling og pleie i eit av landets mest moderne helsebygg. Seksjonen vår har 2,5 stillingar for helsesekretær/sekretær.

Vi ønskjer deg velkomen som søker til ein meningsfylt arbeidsdag!

Arbeidsoppgåver

• Elektronisk handtering av tilvisingar og innkomande post
  
• Elektronisk dokumentbehandling
  
• Arbeid i ekspedisjon/skrivearbeid
  
• Oppsett av polikliniske timar
  
• Registrering av poliklinikkbesøk
  
• Telefonbetjening

Kvalifikasjonar

• Gode norsk-kunnskapar muntleg og skriftleg
  
• Gode skriveferdigheiter
  
• God kjennskap til elektronisk pasientjournal og pasientadministrative rutiner er ein fordel
  
• Autorisert helsesekretær
  
• Det vert primært søkt etter autorisert helsesekretær, men sekretærar kan og bli vurderte for stillinga

Personlege eigenskapar

• Må vere høfleg og imøtekomande
  
• Ha positiv innstilling og vere med å opretthalde eit godt arbeidsmiljø
  
• Helsesekretær/sekretær er i førstelinja for mottak av polikliniske pasientar og har difor ei viktig rolle i korleis pasientane opplever seksjonen
  
• Kunne arbeide strukturert sjølvstendig i ein hektisk kvardag
  
• Ha god evne til samarbeid både med eigen og andre yrkesgrupper
  
• Arbeide nøyaktig og vere løysingsorientert

Å vere personleg eigna vert vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Drøymer du om å bo med kort avstand mellom hav, fjell og fjord med rikt høve til friluftsliv? Å ha tilgang på eit rikt og engasjert kulturmiljø i ein kystbyar med ambisjonar? 
Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Les meir om Kristiansund og Nordmøre her!
Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Molde by fornyar seg med m.a. ny sjøfront og fleire spennande kaféer og spisestader.  Les meir om Molde og Romsdalen her!

Kontaktinformasjon

Siv Helen Kristoffersen, Seksjonsleiar, 71116581, Siv.Helen.Kristoffersen@helse-mr.no

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5039364410
Stillingsprosent: 50%
Fast
Startdato: 01.01.2026
Søknadsfrist: 04.12.2025