Kvalitetsrådgivar

Vil du vere med å utvikle framtidas helse- og omsorgstenester i Aukra kommune? 

Aukra kommune søker ein strategisk og utviklingsorientert kvalitetsrådgivar til helse- og omsorgssektoren. Stillinga er plassert i stab for helse og omsorg og har ei sentral rolle i arbeidet med kvalitet, pasientsikkerheit og kontinuerleg forbetring av tenestene. 

Arbeidsoppgåver 

• Drive og vidareutvikle kommunen sitt systematiske arbeid med kvalitet, pasientsikkerheit og forbetring i helse- og omsorgstenestene. 

• Støtte leiing og tenesteområde i etterleving av lovverk, nasjonale føringar og interne styringssystem. 

• Bidra til utvikling av ein sterk forbetrings- og læringskultur gjennom analyse, oppfølging av avvik og målretta tiltak. 

• Vere ein aktiv deltakar i strategisk utviklings- og prosjektarbeid, mellom anna knytt til «Helse og velferd – på veg mot 2040», innovasjon, nye arbeidsformer og velferdsteknologi. 

• Gi fagleg og koordinerande støtte i tverrfagleg arbeid, inkludert innsats innan psykisk helse for barn og unge. 

• Utarbeide og formidle styringsinformasjon og beslutningsgrunnlag for leiing og politisk nivå. 

• Forberede og følge opp interne og eksterne tilsyn, revisjonar og kontrollar. 

• Legge til rette for tverrfagleg samhandling, brukarmedverknad og involvering av erfaringskompetanse i utvikling av tenestene. 

Kvalifikasjonar 

Vi søker deg som har: 

• Relevant høgare utdanning, gjerne innan helse- og sosialfag, kvalitet, leiing eller samfunnsfag 

• Erfaring frå helse- og omsorgstenester i kommunal sektor 

• God forståing for systematisk kvalitetsarbeid, pasientsikkerheit og forbetringsmetodikk 

Personlege eigenskapar 

• Du arbeider strategisk, strukturert og målretta 

• Du er utviklingsorientert og ser moglegheiter for forbetring og innovasjon 

• Du har god gjennomføringsevne og evnar å omsette planar til praksis 

• Du kommuniserer tydeleg og tillitvekkande på ulike nivå i organisasjonen 

• Du samarbeider godt på tvers av fag, einingar og sektorar 

Personlege eigenskapar vil bli vektlagt. 

Vi tilbyr 

• Ei sentral og meiningsfull rolle med stor påverknad på utvikling av kommunale helse- og omsorgstenester 

• Deltaking i ein engasjert og kompetent fagstab 

• Gode pensjons- og forsikringsordningar 

• Kommunale tilsettingsvilkår med løn etter avtale 

• Stønad til etter- og vidareutdanning gjennom eige fond 

• Flyttegodtgjersle etter kommunalt regelverk 

Mangfald 

Aukra kommune ønsker mangfald og oppmodar alle kvalifiserte kandidatar til å søke. Vi legg til rette for søkarar med nedsett funksjonsevne.