Avdelingsleiar skule/lærar

Om stillinga 

Gulen kommune, for tida ved Brekke barnehage og skule, har ledig 100% vikarstilling som avdelingsleiar skule/lærar frå 01.08.2026 - 31.07.2027. Stillinga vil vere ein kombinasjon av administrasjonsoppgåver og ordinær undervising. Me søkjer ein avdelingsleiar skule som skal vere del av leiarteamet ved eininga og bidra til eit trygt og godt skulemiljø. 

Brekke barnehage og skule består av 1-10-skule, SFO og ein barnehage. Sjå her for meir informasjon om barnehagen, og her for meir om skule og SFO

Arbeidsoppgåver 

Stillinga som avdelingsleiar er ei kombinasjonsstilling kor ein både har administrative oppgåver og ordinær undervising. Fordelinga mellom dei to områda vil verte tilpassa etter behov.

Avdelingsleiar skule skal:

• Leie og organisere dagleg drift i avdelinga i lag med einingsleiar
• Bidra til utviklingsarbeid, inkludert oppdatering av system/rutiner og opplæring
• Bidra i arbeidet med eit trygt og godt skulemiljø
• Bidra i skulen sitt pedagogiske utviklingsarbeid og deltaking i profesjonsfellesskapet
• Følgje opp vikarhandtering og ajourføring i Visma timeplan
• Gjennomføre ordinær undervisning
• delta i andre oppgåver som måtte kome til

Kvalifikasjonskrav 

Dei fire skulane i Gulen er relativt små 1-10-skular, kor dei ulike klassetrinna vekslar på å ha undervising åleine og saman med andre klassetrinn. For å få dekka all undervising ved skulane, er vi avhengig av at dei faste lærarane har undervisningskompetanse i fleire fag. Ved tilsetjing vil me vurdere kompetansen hjå søkjarane knytt opp mot den samla kompetansen og behovet i eininga. Vi søkjer derfor etter ein avdelingsleiar som har breid og formell undervisingskompetanse. Når det er sagt, er det kjærkome med undervisingskompetanse i engelsk. 

Det kan også vere ein fordel at avdelingsleiar skule har utdanning og/eller erfaring innan administrativt arbeid, men det er ikkje eit krav. Vedkommande som vert tilsett må ha gode IKT-kunnskapar og gode norskkunnskapar, både munnleg og skriftleg. Krav om gyldig politiattest på den som vert tilsett. 

Personlege eigenskapar 

• God på å bygge relasjonar 
• Er målretta og framoverlent 
• Er tydeleg og trygg 
• Er oppteken av barna si heilheitlege utvikling 
• Er strukturert og planmessig, fleksibel og har gode samarbeidsevner
• Kommuniserer og samhandlar godt med barn, føresette, kollegaer og andre samarbeidspartnarar
• Kan bidra til eit godt og stabilt arbeidsmiljø for både barn og vaksne
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering