Kultursjef/einingsleiar kultur

Vi søkjer ein strategisk, samlande og utviklingsorientert einingsleiar for kulturtenestene som kan løfte feltet vidare – i tett samarbeid med innbyggjarar, frivillig sektor, næringsliv og regionale aktørar.

Som kultursjef får du det overordna ansvaret for å etablere, utvikle og leie vår nye kultureining. Eininga høyrer til Sektor Samfunnsutvikling og her er tre avdelingar som skal styrke samarbeidet frametter:

-        Kulturarena: Kvinnherad Arena, Kulturhuset Husnes og Husnes kino

-        Bibliotek og bokbuss

-        Frivilligsentralar med Bua på Husnes og  i Rosendal

Arbeidsområdet er i endring og i tillegg til avdelingane sine noverande kjerneoppgåver skal nokre andre tenester utførast i eininga, td. drift av utstyrspool, tilskotsordningar, kunstnarkontakt og noko museumsdrift.  

Det er til saman 20 tilsette på fleire lokasjonar. Du vil vere ein sentral initiativtakar for kommuneleiinga og du får ei nøkkelrolle for god samfunnsutvikling i Kvinnherad.

Dette omfattar:

• Strategisk utvikling av kulturfeltet, inkludert kulturplanlegging og kulturelle satsingar
• Samla leiaransvar for nyskapinga Eining kultur med personalansvar for avdelingsleiarane og budsjettansvar for eininga
• Bidrag til å nå kommunen sine vedtekne mål om eit friskt, grønt og attraktivt Kvinnherad
• Samarbeid med frivillige lag og organisasjonar, arrangørar og ressurspersonar, kommunale einingar og offentlege etatar, museum, festivalar og profesjonelle aktørar
• Forvaltning og utvikling av kulturmidlar, tilskotsordningar, kulturstipend, utstyrspool, museumsdrift og kunstnarsamarbeid
• Prosjektutvikling og programmering innan kultur, folkehelse, inkludering og lokalsamfunnsutvikling
• Deltaking i leiargruppe(r)
• Representasjon i lokale og regionale forum og kulturelt kontaktpunkt for innbyggjarane

Vi ser etter ein kultursjef som:

• Har relevant høgare utdanning innan kulturfag, samfunnsfag og/eller leiing
• Har leiarerfaring innan kulturarbeid, offentleg forvaltning og prosjektleiing og erfaring frå endringsarbeid og organisasjonsbygging
• Er ein tydeleg og inspirerande leiar som får folk med seg og bygger ein robust organisasjon
• Kan ta i eit tak høgt og lågt, både morgon og kveld når det trengs
• Har god forståing for samspel mellom kommune, frivillig sektor og profesjonelle kulturmiljø
• Er strategisk, strukturert og utviklingsorientert
• Kommuniserer godt skriftleg, munnleg og visuelt, særleg på nynorsk og gjerne også på engelsk
• Har evne til å sjå heile kommunen og bygge kultur som bind oss saman
• Har førarkort

Av personlege eigenskapar ønskjer vi særleg dette: lojal, etterretteleg, fleksibel,  kvalitetsmedviten, tolmodig og venleg.

• Fast stilling og laus snipp
• Stort ansvar og lite kjeft
• Brei portefølje og smalt budsjett
• Grøne verdiar og (nokre) raude dagar
• Friske takter og sjukt travle dagar

• Eit engasjert fagmiljø og dyktige medarbeidarar
• Arbeid i heile kommunen med oppmøtestad Husnes og Rosendal
• Løn etter avtale
• Snarleg tiltreding
• Stillinga er unnateke overtidsreglane og har 10 ekstra fridagar som kompensasjon for dette
• Tilsetjing etter gjeldande vilkår for kommunale arbeidstakarar i samsvar med hovudtariffavtalen og arbeidsmiljølova
• Pensjonsordning, ulykkes- og gruppelivsforsikring gjennom KLP
• Dekking av flytteutgifter etter nærare reglar
• Bur du i Kvinnherad og er i jobb, kan du etter eitt år få sletta 25 000 kroner av studielånet
• Ikkje eigedomsskatt for hus, hytter og næring
• Gratis SFO og søskenmoderasjon i barnehagen

Gyldig politiattest må leggjast fram der det er påkravd.