Vil du leie eit fagmiljø som gir menneske nye moglegheiter?

Vi søkjer fagansvarleg psykolog og teamleiar til Nav Arbeidsrådgiving Vestland.

Hos oss blir du med på å gi menneske nye moglegheiter – arbeid, aktivitet og trygg inntekt – og du deler verdiane våre og samfunnsoppdraget.

Nav Arbeidsrådgiving er ein av tre avdelingar i Nav Vestland Kompetansesenter for arbeidshelse, saman med Senter for jobbmeistring og dei rådgivande overlegane. Vi er eit fylkesdekkande ressurs- og kompetansemiljø med kunnskap innan trygdemedisin, arbeidshelse, arbeidspsykologi, pedagogikk og metodar for kartlegging og rettleiing.

Hos oss blir du ein av ni tilsette – fem psykologar/psykologspesialistar og fire pedagogar/spesialpedagogar – som leverer tenester til Nav-kontora i Vestland. Tenestene våre er eit supplement til øvrige Nav-tenester, og vi legg stor vekt på godt samarbeid med andre einingar, særleg med rettleiarane ved Nav-kontora.

Kva går jobben ut på?

• Ansvar for det psykologfaglege i tenesta og koordinere teamet
• Sikre fagleg oppdatert og kunnskapsbasert praksis, og bidra til kvalitetsutvikling
• Gjennomføre utgreiing, kartlegging og rettleiing av brukarar med fokus på arbeid
• Halde tematisk og fagleg undervisning
• Gi rettleiing av tilsette ved Nav-kontor
• Bistå brukarar med komplekse og uavklarte bistandsbehov
• Utvikle samarbeid med aktuelle samarbeidspartnarar
• Synleggjere brukars ressursar og moglegheiter i arbeidslivet
• Delta i kontorleders ledergruppe og bidra inn i utvikling av Kompetansesenter for arbeidshelse
• Følgje opp og støtte Ark-rådgivarar fagleg
• Ha eit koordineringsansvar for teamet 

Vi besøker Nav-kontor i regionane for tverrfagleg saksdrøfting, undervisning og rettleiing. Ein må derfor rekne med noko reise i samband med jobben.

Kva kompetanse er viktig i denne rolla? 

Du må ha:

• norsk autorisasjon som psykolog
• relevant spesialisering
• svært gode norskkunnskapar, både munnleg og skriftleg
• erfaring med rettleiing, utgreiing - og kartleggingsarbeid til personar med utfordringar med å meistre eit arbeid  
• erfaring frå, eller god kjennskap til, Nav sitt arbeid

Det er ønskeleg at du har:

• erfaring i å leie og gjennomføre tverrfaglege møte
• erfaring med bruk av digitale verktøy og arbeidsformer
• erfaring med munnleg og skriftleg fagformidling
• erfaring med og interesse for kvalitets - og forbetringsarbeid

Kva ser vi etter hos deg

• har gode haldningar til tenesteyting og er opptatt av å møte brukarar på ein respektfull måte
• har gode relasjonelle evner og skapar tillit i samarbeid
• arbeider målretta, strukturert og effektivt
• har gode evner og interesse for å drive rettleiing og opplæring  

Kvifor velje oss

• Spanande og meiningsfylte arbeidsoppgåver innanfor eit viktig samfunnsområde
• Variert og tverrfagleg samarbeid
• Fagleg utvikling og oppfølging innanfor relevante fagområde for stillinga
• Aktive og engasjerte kollegaer
• Tilsetting i stillingskode 1304 psykolog med godkjent spesialitet med lønnsspenn 880 000 kr - 940 000 kr. For særleg kvalifiserte søkjarar kan høgare lønnsplassering vurderast
• God pensjonsordning gjennom Statens pensjonskasse

Les meir om Nav som arbeidsgivar

Kontaktinformasjon

Linn Merethe Hagedal Bæra, Kontorleder, 40827552, Linn.Merethe.Hagedal.Bera@nav.no

Arbeidssted

Møllendalsveien 8
5009 Bergen

Nøkkelinformasjon:

Arbeidsgiver: Nav

Referansenr.: 5055255637
Stillingsprosent: 100%
Fast
Søknadsfrist: 05.01.2026