Psykologspesialist

Seksjon Tertnes er ein del av Avdeling for rusmedisin (AFR) og består av ein sengepost på Tertnes og eit poliklinisk/ambulant team som er lokalisert i sentrum. Seksjonen er i gang med eit nytt og spennande oppdrag der vi skal styrke arbeidet med valdsutsette kvinner som også har samtidig rusmiddelavhengigheit. Vi treng no å styrke teamet på sengeposten med ein psykologspesialist. Du bør søke om du er ein psykologspesialist som trivst med teamarbeid, verdset tverrfagleg tenking, har gode kommunikasjons- og samhandlingsferdigheiter og kan formidle psykologfaget i tverrfagleg team og dessutan er god på systemtenking rundt pasientsaker, er pragmatisk og strukturert. Det er ein fordel å ha erfaring med pasientgruppa. Den nye psykologen vil inngå i psykologfagleg team i seksjonen, ledet av seksjonspsykolog.  

Om stillinga 
Stillinga blir lyst ut i samband med at AFR har fått midlar til å styrke arbeidet med valdsutsatte kvinner med rusmiddelavhengigheit. Det vil derfor vere ønskeleg med relevant kunnskap og erfaring relatert til denne pasientgruppa. Arbeidsoppgåvene knytt til stillingane vil bestå av å vidareutvikle og styrke AFR sin kompetanse på arbeid med valdsutsette kvinner samt å ta del i utviklingsarbeidet knytt til pasientforløp for kvinner med rusmiddelavhengighet i AFR. Ein vil og jobbe med kartlegging, utgreiing og behandling av rus- og psykiske lidingar i samarbeid med andre behandlarar og miljøpersonale. Det er planlagt satt av midler til kompetanseheving for alle tilsette ved kvinneposten i samband med det nye oppdraget.  

Om seksjonen
Ved seksjonen jobbar det i dag to psykologspesialistar og to psykologa, éin legespesialist og éin lege, sjukepleiarar, vernepleiarar, miljøterapeutar, sosionom, kunst- og uttrykksterapeut, familieterapeut og treningsterapeut. Vi har også nevropsykolog knytt til seksjonen, som er tilgjengeleg for drøfting i utredningssaker, og som utfører nevropsykologiske testar etter avtale med psykolog og pasient. Vi jobbar tverrfagleg og alle bidrar med sin spesialkompetanse i behandlinga.  

Kvinneposten har 15 sengeplassar for frivillig behandling av rusmiddelavhengige kvinner. Kvinneposten jobbar tverrfagleg ut frå eit strukturert behandlingsprogram, mellom anna beståande av gruppeterapi, individualterapi, kunst- og uttrykksterapi, treningsterapi, utandørsterapi og miljøterapi.  

Familieambulatoriet er eit frivillig tilbod til gravide og småbarnsforeldre som har eller har hatt vanskar knytta til rusmiddel eller vanedannande medikament, og kan gi oppfølging fram til barnet når skolealder. Familieambulatoriet har og ei eiga leilegheit der familiar i sårbare fasar kan få tilbod om brukarstyrt innlegging.   

I seksjonen har vi eit godt arbeidsmiljø prega av omsorg for kvarandre, høgt engasjement for pasientane, fagleg utvikling, nysgjerrigheit og eit godt tverrfagleg samarbeid med opne dører og kreativitet. .  

Arbeidsoppgåver

• Kartlegging, utgreiing og behandling av rusavhengige, herunder ROP-pasientar
• Samhandling og rettleiing av samarbeidspartar internt og eksternt
• Deltaking i internt utviklingsarbeid, rettleiing og undervisning
• Gi rettleiing til anna personell i eigne pasientsaker og delta i det tverrfaglege arbeidet ved klinikken
• Delta/leie terapigrupper

Kvalifikasjonar

• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller annan norsktest på B2-nivå. Dokumentasjon må leggast ved søknad
• Norsk autorisasjon som psykolog
• Erfaring med arbeid innan rusbehandling/psykisk helsevern og utgreiing/kartlegging
• interesse for eller erfaring med valdsutsatte kvinner med rusavhegigheit

Personlege eigenskapar

• Du bidrar positivt til eit fagleg og kollegialt godt miljø
• Du trivst med å arbeide i eit tverrfagleg miljø hvor samhandling er en nøkkelfaktor
• Du har god fagleg vurderingsevne, arbeider målretta og strukturert
• Du må kunne arbeide godt både sjølvstendig og i team
• Du arbeidar målretta og toler å stå i krevande situasjonar
• Du er fleksibel og toler at arbeidskvardagen i døgnrammer fort kan endre seg
• Personleg eignaheit vil bli vektlagt

Vi tilbyr

• Høgt fagleg nivå
• Godt arbeidsmiljø
• Fagleg og personleg utvikling
• Tilrettelegging for relevant spesialiseringsløp
• Ein arbeidsplass som er ein inkluderande arbeidslivsbedrift (IA-bedrift) 
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Trude Larsen, Leiar, 98800425

Arbeidsstad

Tertnesveien 35
5113 Tertnes

Nøkkelinformasjon:

Arbeidsgivar: Helse Bergen HF

Referansenr.: 5045213518
Stillingsprosent: 100%
Fast
Søknadsfrist: 31.12.2025