Ledig 100% fast stilling for Spira Barne- og familieeininga i Ulvik

Ledig 100% fast stilling for Spira Barne- og familieeininga i Ulvik

Me søkjer etter deg som kan vere med å vidareutvikla Spira og leia etter heradet sine premissar for leiarskap.

Søknadsfrist: 1. mars 2026 Arbeidsoppgåver:

• Leiar for barnevern, PPT, helsestasjon og skulehelseteneste

• Personalansvar

• Fagleg utvikling av den tverrfaglege tenesta

• Budsjettansvar

Kvalifikasjonar:

Me søkjer etter:
Me søkjer deg som har god kompetanse og erfaring med tverrfagleg samarbeid, særleg mellom barneverntenesta, PPT og helsestasjon/skulehelsetenesta. Du kjenner godt til pliktene knytt til å undersøkje, setje i verk og følgje opp tiltak, og veit at undersøkinga legg grunnlaget for riktig hjelp til rett tid.

Saman med medarbeidarane dine vil du ha høgt fokus på samarbeid, medverknad og inkludering når kartlegging og testing blir gjennomført. Du vil også vere oppteken av god dokumentasjon og faglege vurderingar i både barnevern og PPT.

Du bør ha:

• Leiarutdanning

• Leiarerfaring frå barnevern.

• 3-årig høgskuleutdanning: barnevernspedagog, sosionom eller anna relevant utdanning

• God skriftleg og munnleg framstillingsevne

• Kunnskap om offentleg forvaltning og økonomistyring

Kompetanse som er ynskeleg:

Erfaring frå tverrfagleg samarbeid med PPT og helsestasjon/skulehelsetenesta

Personlege eigenskapar:

Du forstår heradet sine mål og har engasjement for samfunnsoppdraget. Du er trygg i leiarrolla og kan analysere komplekse problemstillingar. Du har god dømmekraft, tek kloke val og tør å ta avgjerd.

Du ønskjer å byggje ein kultur prega av nyskaping, læring og godt tverrfagleg samarbeid. Du lyttar, skapar ro, er fleksibel og møter utfordringar med humor og rausheit. Du leier med tillit, men tek styring når det trengst. Du ser verdien av eit heilskapleg blikk og av å spele på lag på tvers av fagområde.

Me tilbyr:

Ei leiarstilling der du kan påverke utviklinga av eit viktig fagfelt til beste for barn, unge og familiar. Du blir del av eit inspirerande og kompetent arbeidsmiljø i ein dynamisk og tverrfagleg organisasjon med rom for initiativ og nyskaping.

• Løn etter avtale

• Gode pensjons- og forsikringsordningar

• Flyttegodtgjersle etter gjeldande satsar og hjelp til å finne bustad

Søk elektronisk. Merk med saksnr: 25/1669

Søknadsfrist: 1. mars 2026

Har du spørsmål angåande stillinga, kontakt:
Einingsleiar Eyvind Eidhammer mobil 40007189, e-post Eyvind.eidhammer@ulvik.kommune.no

Eller
Kommunalsjef oppvekst Åshild Søvik Underdal, mobil 41866970 , e-post ashild.underdal@ulvik.kommune.no