Avdelingsleiar Heimetenesta Husnes

Vil du vere med og utvikle framtidas tenester innan omsorg, helse og rehabilitering i Kvinnherad kommune? Vi søkjer ein engasjert og utviklingsorientert avdelingsleiar til heimetenestene på Husnes. Stillinga blir ledig i mai 2026

• Fast 100 % stilling, 37,5 t/v – dagtid
• Arbeidsstad: Husnes
• Leiaransvar for ca. 23 årsverk fordelt på om lag 35 tilsette
• Del av leiarteamet i heimetenestene i Kvinnherad kommune

Som avdelingsleiar får du ansvar for planlegging, drift og koordinering av avdelinga. Du legg til rette for at brukarar får tenester av god kvalitet, og for at tilsette får oppgåver som samsvarar med kompetanse og behov i tenesta. Heimetenestene er i utvikling, og oppgåver kan endre seg over tid.

Eininga yter helse- og omsorgstenester etter helse- og omsorgstenestelova § 3-1. Området omfattar ansvar for heimebuande, dagsenter og produksjonskjøkken. Tilsette jobbar i årsturnus dag/kveld, med eigne nattevakter.

I denne rolla vil du mellom anna:

• Lede avdelinga slik at brukarar får tenester av høg kvalitet
• Sikre at tenestene følgjer gjeldande lover, forskrifter og interne retningslinjer
• Vidareutvikle fag, drift og arbeidsprosessar
• Ha ansvar for fagleg og personalmessig drift innanfor gitte rammer
• Koordinere turnus og vaktplanar
• Delta i utviklingsarbeid i eininga
• Samarbeide tett med interne og eksterne aktørar
• Vere stedfortredar for andre avdelingsleiarar og utføre delegerte oppgåver frå einingsleiar
• Bidra aktivt i HMS-arbeid

• Helsefagleg utdanning på høgskulenivå
• Leiarutdanning og erfaring frå tilsvarande arbeid.
• • Dersom ein ikkje har leiautdanning/erfaring så blir det krevd at ein tek dette.
• Erfaring med HMS
• God forståing av relevant lovverk
• God digital kompetanse
• Gode norskferdigheiter, munnleg og skriftleg
• Politiattest (maks 3 månader gammal)

Vi ser etter ein leiar som:

• Har gode samarbeidsevner og jobbar strukturert og sjølvstendig
• Tåler ein hektisk kvardag og held oversikt
• Tenker nytt og tek initiativ
• Er ein god relasjonsbyggar med vekt på inkludering, dialog og god kommunikasjon
• Er fleksibel og løysingsorientert

Personlege eigenskapar vil bli vektlagt.

• Gratis SFO og låge barnehageprisar
• Trygt og godt oppvekstmiljø
• Natur i verdsklasse – fjord, fjell og friluftsliv rett utanfor døra
• Engasjerte og dyktige kollegaer i ei eining med stort fokus på rehabilitering og tverrfagleg samarbeid
• Moglegheit til å vere med og utvikle tenestene i ein kommune i vekst
• Bustad i Kvinnherad kan gi nedskriving av studielån på 25 000 kr etter eitt års arbeid (gjeldande ordning)
• Det er ingen eigendomsskatt i kommunen

Løn etter avtale. Tilsetjing skjer etter gjeldande vilkår i HTA og AML. Kommunen har pensjons-, gruppeliv- og ulykkesforsikring gjennom KLP.