Avdelingsleiar ved Giske kommunale legekontor

Vi har ledig fast 100 % stilling som avdelingsleiar ved Giske kommunale legekontor. Er du vår nye leiar som brenn for gode allmennlegetenster og lagspel?

Vi søkjer ein strategisk og trygg avdelingsleiar til legekontoret i Giske der du vil få ansvar for dagleg drift av kontoret med 11 fastlegar på driftsavtale (ASA 4310), samt tilhøyrande hjelpersonell som er fast tilsett i kommunen.

Drift av legekontoret er organisert i eining Barn,familie og helse og stillinga som avdelingsleiar er lagt under einingsleiar for eininga.
Eininga har andre avdelingar som helsestasjon, fysio/ergoterapi-avdeling, psykisk helseteam for barn og unge, barnevern og flyktningtenesta.
Avdelingsleiar for legetensta vil vere ein del av leiarteamet i eininga.

I tillegg til formell kompetanse blir det lagt vekt på personlege eigenskapar og at ein er skikka for stillinga.

Dokumentasjon på utdanning og praksis skal sendast i lag med søknaden. 

 

Arbeidsoppgåver

• Som avdelingsleiar har du det overordna ansvaret for at legekontoret fungerer som ein effektiv og god arbeidsplass. Du skal sørgje for at kommunen sitt ansvar for fastlegeordninga er i tråd med fastlegeforskrifta.
• Driftsansvar: Ansvar for dagleg drift, økonomistyring og utvikling av kontoret sine fellesfunksjonar som laboratorium og ekspedisjon.
• Personalansvar: Leiaransvar for kontorpersonell og helsesekretærar, Lis1-lege, inkludert rekruttering og arbeidsmiljøoppfølging.
• Samhandling: Vere eit viktig bindeledd mellom kommunen og dei sjølvstendig næringsdrivande fastlegane. Samarbeide med andre tenester, funksjonar og helseføretaket og andre kommunar.
• Kvalitetsarbeid: Sikre gode rutiner for HMS, internkontroll og pasienttryggleik.
• Rekruttering: Bistå i arbeidet med å rekruttere nye legar, helsepersonell og følgje opp Lis1- legar.

Arbeidsoppgåver kan bli endra ut frå behov.

Kvalifikasjonar

• Relevant høgare utdanning, gjerne innan helse eller administrasjon/leiing. Søkjarar med relevant kompetanse utan formell utdanning, vil og bli vurdert.
• Leiarerfaring og/eller erfaring frå drift av legekontor og kjennskap til ASA 4310-avtaleverket er ønskjeleg. 
• God på kommunikasjon og samhandling.
• Utviklings- og resultatsorientert.
• God norsk skriftleg og munnleg framstillingsevne.
• God digital kompetanse.

Personlege eigenskapar

• Du er strukturert, positiv og løysningsorientert.
• Du evner å byggje gode relasjonar mellom ulike profesjonar.
• Du er trygg i leiarrolla og kan handtere krysspresset mellom kommunale rammer og næringsdrivande sine behov.
• Du har stor arbeidskapasitet.
• Du evner å jobbe godt både sjølvstending og i team.

Vi tilbyr

• Ei spennande leiastilling i eit fagmiljø med høg kompetanse.
• Tilsetjing på kommunale vilkår med gode pensjons- og forsikringsordningar.
• Løn etter avtale.

Kontaktinformasjon

Gretha Giske, einingsleiar, +47 97028234

Arbeidsstad

Ytterland 1
6050 Valderøya

Nøkkelinformasjon:

Arbeidsgivar: Giske kommune

Referansenr.: 5086183983
Stillingsprosent: 100%
Fast
Søknadsfrist: 08.04.2026