Prošeaktaráđđeaddi

Bargoviidodat virggis

Virgái gullevaš barggut leat ovttas earáiguin bargat pedagogalaš ovdánahttinbargguid sámegiela lohkama, čállima ja njálmmálaš giela prošeavttaiguin Sámi Lohkanguovddážis.

Barggut leat ee. pedagogalaš sisdoallobuvttadeapmi neahttabáikkiide, oahpponeavvuid gaskkusteapmi ja eará fágalaš barggut Lohkanguovddážis.

Virgái gullá maiddái searvat diehtojuohkimii ja bagadallamii Sámi Lohkanguovddáža prošeavttain ja doaimmain. Dan oktavuođas sáhttá šaddat mátkkošteapmi.

Virggi sajádat organisašuvnnas ja bargoviidodat sáhttá rievdat organisašuvnna dárbbuid geažil.

Gelbbolašvuođagáibádusat

• pedagogalaš oahppu dahje oahpponeavvopedagogihkka allaskuvladásis dahje eará relevánta oahppu
• buorre máhtolašvuohta digitála reaidduid geavaheamis ja interneahttaalmmuheamis
• buorre čálalaš ja njálmmálaš máhttu davvisámegielas, dárogielas dahje eará skandinávalaš gielas ja eaŋgalasgielas
• dovdá bures sámi mánáidgárde- ja skuvlavuogádaga
• bargohárjáneapmi almmolaš hálddašeamis ja máhtolašvuohta sámi servodatdiliin deattuhuvvo.

Ohccit geain lea bargovásáhus sullasaš bargguin vuoruhuvvojit.
Persovnnalaš attáldagat: Mii ohcat du guhte:
• leat veahkkái ja ovddasvástideaddji
• bures liikot bargat digitála reaidduiguin ja diehtojuohkimiin
• háliidat ovddidit sámi oahpahusvugiid ja ovdánahttit oahpponeavvuid ja bagadusaid
• bures barggat iešheanalis, ja bures maid gulahalat ja ovttasbarggat earáiguin
• nagodat bargat mearrediđolaččat, struktuvrralaččat ja ovdánahttindiđolaččat

Bargosadji lea Sámi Lohkanguovddážis Guovdageainnus

Bálká

Virgi bálkáhuvvo Stáda bálkáplána 90.500, virgekoda 1434 Ráđđeaddi. Ohcci geas lea earenoamáš gelbbolašvuohta, sáhttá biddjot virgekoda 1364 seniorráđđin.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Mii fállat

*Virggi mas ovdánahttinvejolašvuođat, viiddis ja máŋggabealat fágabirrasis 

* Ođđaáigásaš visttiid 

*Máŋggabealat čálgofálaldagaid 

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin 

* Ealli sámegielbirrasa guovddáš sámi guovllus 

Ohcan

Dákko čálát mii galgá mielddusin ohcamii. 

Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte. 

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20. 

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geain lea doaibmahettehus, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu sadjásaš ossodatjođiheaddjis Marit Breie Henriksen, epoasta: maritbh@samas.no, tlf. +47 78 44 84 97