Doavttergrádastipendiáhttavirgi ReLing-dutkanprošeavttas

Oanehaččat virggi birra

Giela, duoji ja servodatdiehtagiid goađis lea rabasin doavttirgrádastipendiáhta virgi, mii galgá leat oassin Sámi allaskuvlla dutkanprošeavttas “Reshaping linguistic spheres in Sápmi: language policy, linguistic atmosphere, and namescapes in the multilingual North” (ReLing). Virgáibidjama ulbmilin lea ahte virggehas olaha doavttirgráda.

Álgin 1.8.2026.

Bargoviidodat virggis

Virgi lea jahkemearrevirgi ja stipendiáhttavirgeáigodat lea golbma (3) jagi. Stipendiáhta doavttirgrádaprošeakta
galgá heivet oassin ReLing-dutkanprošeavtta, masa Sámi allaskuvla lea ožžon ruhtadeami Norgga dutkanráđis
áigodahkii 1.3.2026 – 28.2.2031. Prošeavtta ulbmilin lea analyseret suohkandási giellapolitihka ja suohkana
ássiid gielalaš doaladumiid dihto suohkaniin Davvi-Norggas, erenomáš vuoruheapmin báikenammapolitihkka ja
dasa gullevaš doaladumit. 

 

Doavttigrádastipendiáhtta galgá dutkat ReLing-prošektii heivvolaš fáttá Anára
suohkanis, mii galgá doaibmat ReLing-prošeavtta buohtastahttinguovlun. Su dutkamuš sáhttá gullat omd. sámi
sosiolingvistihka, pedagogihka dahje servodatdiehtagiid fágii, go dat beare lea áigeguovdil ja relevánta ReLingprošeavtta
dutkanfáttáid ektui. Dárkilut dieđuid prošeavtta birra oažžu prošeaktajođiheaddjis Annika Pasanen
(gč. oktavuođadieđuid vuolábealde). Virggi gullevašvuohta organisašuvnnas sáhttá rievdat.

Gelbbolašvuođagáibádusat

Stipendiáhttavirggis gáibiduvvo mastergráda dahje váldofága dahje vástideaddji oahppu, mii sisdoalu dáfus addá gelbbolašvuođa doavttirgrádadutkamuša čađaheapmái ReLing-prošeavttas. Fágalaš duogáš sáhttá leat sámegiela ja girjjálašvuođa fágas, eará lingvistihka suorggis, pedagogihkas dahje servodatdiehtagiin.

Ohccit geat leat loahpaheame mastergrádaoahpu ávžžuhuvvojit maiddái ohcat, muhto fertejit leat gárven mastergráda ovdal 30.06.2026.

Ohccit galget máhttit čálalaččat ja njálmmálaččat davvisámegiela, eaŋgalasgiela B1 ja suomagiela C1.

Virggis gáibiduvvo máhttu struktuvrralaččat ja iešheanalaččat bargat. Dasa lassin gáibiduvvojit buorit ovttasbargonávccat.

Virgáibidjamis vuoruhuvvojit ohccit geat sáhttet duođaštit fágalaš gelbbolašvuođa ja geaid dutkanplánain leat dutkanáigumušat čielgasepmosit hábmejuvvon. Áššedovdilávdegoddi árvvoštallá ohcciid gelbbolašvuođa.

Árvvoštallamis biddjo váldodeaddu ohcciid dutkanpotensiálii nu go dat boahtá ovdan master- dahje váldofágabarggus, doavttirgráda stipendiáhttavirggi ohcamuša dutkanplánas ja eará vejolaš dieđalaš bargguin.

Ánsun lohkkojuvvojit maiddái fágalaš bargohárjáneapmi, pedagogalaš gelbbolašvuohta ja eará doaimmat, main lea mearkkašupmi doavttirgrádaoahpu čađaheapmái.

Virgáibidjama eaktun lea, ahte ohcci dohkkehuvvo dahje lea juo dohkkehuvvon muhtun universitehta doavttirgrádaprográmmii. Sámi allaskuvlla iežas sámegiela ja sámi girjjálašvuođa doavttirgrádaprográmma oahput leat čuovvovaš háve álgimin easkka jagi 2027.

Muđui čujuhuvvo láhkaásahussii Forskrift til universitets- og høyskoleloven FOR-2024-06-28-1392 § 3-19
Stipendiat

Mii fállat

Mii fállát earet eará: 

Virggi mas ovdánahttinvejolašvuođat, viiddis ja máŋggabealat fágabirrasis

• Ođđaáigásaš visttiid
• Máŋggabealat čálgofálaldagaid
• Buori bargobirrasa mas alla gelbbolaš bargit iešguđetge fágasurggiin
• Ealli sámegielbirrasa guovddáš sámi guovllus

Bálká

Bálkáheapmi dahkko stáda bálkáregulatiivva mielde, virgekoda 1017 Stipendiáhtta. Erenoamáš gelbbolaš ohcciide sáhttit árvvoštallat geavahit virgekoda 1378. Stipendiáhtta bálkáheapmi dahkko oahpu ja bargoánssu vuođul.
Bálkkás gesso 2% geatnegahtton divat Stáda penšuvdnakássii.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.

Virggis lea 6 mánu geahččalanáigi.

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:

• Fágalaččat ákkastallojuvvon nákkosgirjji dutkanplána oktan áigeplánain (5-10 siiddu)
• CV (oahpuid, bargohárjánumi ja fágalaš bargguid dievaslaš čilgehus)
• Almmuhemiid listu oktan dievaslaš gáldodieđuiguin
• Master- dahje váldofágabargu
• Duođaštus ja árvosátneduođaštus bacheloroahpus dahje vástideaddjis
• Duođaštus ja árvosátneduođaštus masteroahpus dahje vástideaddjis
• Duođaštus čađahuvvon oahpuin, omd. Diploma supplement
• Eará relevánta duođaštusat ee. sámegiela giellamáhtu birra
• 2 referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Oktavuođadieđut

Eanet dieđuid virggi birra oažžu goahtejođiheaddjis Risten Länsman, tlf. +47 784 48 550 / +47 951 39 557,
epoasta: ristenl@samas.no
ReLing-dutkanprošeavtta birra dieđuid oažžu sámi sosiolingvistihka professoris Annika Pasanen, tlf. +358 40 763
9609 / +47 78 44 85 32, epoasta annikap@samas.no