Vi søker dyktig analytikar, gjerne med forskarerfaring

Om stillinga og avdelinga

Analyse og kunnskapsgrunnlag er eit satsingsområde i Direktoratet for høgare utdanning og kompetanse (HK-dir) og vi søker no ny medarbeidar til Avdeling for utgreiing, evaluering og forsking. Vi bygger eit sterkt fagmiljø, som skal bidra til ein meir kunnskapsbasert utdannings- og kompetansepolitikk. Forsking og utvikling (FoU) og kunnskapsmekling er ein viktig del av dette. Medarbeidaren vi søker skal arbeide i skjæringspunktet mellom fag og politikk. Vi er spesielt interesserte i deg som har spisskompetanse i forskingsmetode og som samstundes har god politikkforståing. 

Stillinga er i Avdeling for utgreiing, evaluering og forsking i Divisjon for analyse og kunnskapsgrunnlag. Avdelinga har 12 medarbeidarar, fordelt på to kontorstader i Bergen og Oslo. Kontorstad for denne stillinga er i Bergen. Vi jobbar både med eigne prosjekt og støtter resten av HK-dir med spisskompetanse på analyse og kunnskapsgrunnlag.

Dine arbeidsoppgåver vil mellom anna vere

• utvikle HK-dir si evne til å både ta i bruk og initiere forsking på våre område:
   - systematisere, kartlegge og vurdere kunnskapsbehov i kunnskapssektoren
   - identifisere og stille saman relevant forsking
   - lyse ut FoU-oppdrag
   - skape arenaer og plattformer for formidling av forsking til beslutningstakarar
   - vurdere forskingsleveransar etter etablerte standardar 
• gjennomføre analyser og utgreiingsoppdrag
• bidra til å utvikle avdelinga sin kompetanse i forskingsmetode/forskingsdesign
• bidra til strategisk arbeid med FoU-portefølje og dialog/nettverk med forskingsmiljø og andre relevante forvaltingsorgan
• stillinga kan også bli tillagt andre arbeidsoppgåver innan ansvarsområdet til avdelinga 

Kva kvalifikasjonar treng vi?

Du må ha:   

• relevant høgare utdanning, mastergrad eller tilsvarande, med gode resultat. Helst innan samfunnsvitskap
• dokumentert erfaring og prosjektleiing med gode resultat, frå minimum eitt av følgande område: forsking, analyse/utgreiing eller evaluering
• særs god generell metodeforståing og spisskompetanse innan spesifikke samfunnsvitskaplege forskingsmetodar
• særs god skriftleg framstillingsevne på norsk

Det kan bli behov for autorisasjon eller tryggleiksklarering i stillinga.

Det er i tillegg ein fordel om du har:

• doktorgrad og forskingserfaring
• erfaring med å ta kunnskap i bruk i utvikling av politikk og/eller praksis (kunnskapsmekling). Det kan for eksempel vere å tilrettelegge, formidle og bruke forsking eller anna systematisk kunnskap i beslutningsprosessar
• erfaring frå offentleg forvalting eller store organisasjonar i privat sektor. Gjerne innan utdanning, forsking, eller andre sektorar eller politikkområde som er relevant for HK-dir
• gode ferdigheiter i engelsk

Vi ønsker at du har

• særs gode analytiske evner og ferdigheiter
• gode samarbeidsevner og evne til å arbeide sjølvstendig
• evne å tenke heilskapleg og sjå samanhengar

Hos oss får du

• spanande og utfordrande arbeidsoppgåver med å bygge kunnskapsgrunnlaget for utdannings- og kompetansepolitikk i framtida
• uformelt og godt fag- og arbeidsmiljø
• mogelegheit for fagleg utvikling og kompetanseheving
• fleksibel arbeidstidsordning og mogelegheit for arbeid heime frå delar av arbeidstida
• inntil to timer trening i arbeidstida per veke
• medlemskap i Statens pensjonskasse, med gode pensjons- og låne betingelsar
   

Lønsvilkår

• lønsplassering etter kompetanse
  • seniorrådgivar innan lønsspenn kr. 700.000-850.000
  • for særs godt kvalifiserte søkarar kan høgare løn vurderast
• medlemskap i Statens pensjonskasse, med trekk på to prosent til lovfesta pensjonsinnskot 

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen. Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen. 

Kontaktperson

Namn: Stig Helge Pedersen

e-post: stig.pedersen@hkdir.no

telefon:+4797709605