Skjøtselsarbeidarar ved Selja kloster og helgenanlegg 

Kanskje Noregs mest spennande sommarjobbar innan kulturarv og naturforvaltning?

Drøymer du om ein sommarjobb i friluft der du kan kombinere arbeid i eit unikt kulturmiljø med naturopplevingar som surfing, bading på krittkvite strender og fjellturar med storslått utsyn? Då kan jobben som skjøtselsarbeidar ved Selja kloster vere midt i blinken.

Om stillingane

Stad kommune har ledige to stillingar som skjøtselsarbeidarar ved Selja kloster og helgenanlegg. Arbeidsperioden vert avtalt innanfor 15. juni til 21. august 2026, med hovudvekt på skulens sommarferie. Arbeidstida er på vekedagar, normalt frå kl. 08:00 til 15:30. Vi ønsker at du skriv i søknaden kva for tidsrom du kan jobbe, og vi ønsker søkjarar som kan arbeide størstedelen av perioden.

Selja kloster og helgenanlegg er eit freda kulturminne og eit viktig reisemål for pilegrimar og turistar. For å ta vare på ruinane og vise dei fram på ein god måte, krevst det godt vedlikehald av både anlegg og kulturlandskap. Arbeidsoppgåvene er grøn skjøtsel i og rundt klosterområdet og langs stiar på øya, etter rettleiing frå Stad kommune og Vestland fylkeskommune.

Les meir om Selja kloster og helgenanlegg her: https://www.seljakloster.com/klosteret 

Kven passar jobben for?

Dette er ein unik sjanse til å få praksis innan kulturminneforvaltning, kulturlandskap, naturforvaltning og arkeologiske miljø. Stillinga eignar seg særleg for studentar innan arkeologi, historie, biologi, naturforvaltning, geografi, landskapspleie eller liknande fag, men alle interesserte kan søke.

Arbeidsoppgåver

• Grøn skjøtsel av kulturlandskapet på Selja: Klipping av gras, rydding og luking av ugras – både manuelt og med motoriserte reiskapar.
• Tilsyn, enkel rydding og oppfølging i område brukte av besøkande på Selja.
• Andre praktiske oppgåver kan kome i tillegg, t.d. grøn skjøtsel av andre historiske ferdselsvegar i nærområdet.
• Samarbeid med Regionalt pilegrimssenter Selja og Selje frivilligsentral kan vere aktuelt som andre oppgåver, t.d. ved behov eller dårleg vêr.
• Vi vurderer å gi éin av kandidatane ei utvida arbeidsleiarrolle i felt, dersom søkjaren har personlege eigenskapar for dette. 

Kvalifikasjonar

Personlege eigenskapar

Vi søkjer deg som trivst med fysisk arbeid ute, og som kan jobbe både sjølvstendig og saman med andre. Du er pliktoppfyllande, nøyaktig og ser sjølv kva som må gjerast.
Du har respekt for kulturhistoriske verdiar og forstår at du jobbar i eit sårbart og unikt kulturmiljø. Ved tilsetting vil vi legge vekt på om søkjar er personleg eigna for stillinga.

Vi tilbyr

• Ein meiningsfull sommarjobb på ein av dei mest særeigne kulturhistoriske stadane i Noreg.
• Båtførarprøven, dersom du ikkje har denne frå før.
• Opplæring i bruk av motoriserte reiskapar.
• Tilgang til båt for transport til og frå Selja.
• Arbeidstid vert avtalt med rådgivar for kulturarv.
• Løn etter tariff etter innleverte timelister.
• Relevant praksis for CV og vidare studiar.
• Hjelp til å skaffe bustad i Stad kommune.

Vi ber om at du lastar opp vitnemål, attestar og referansar saman med søknaden.

Vi gjer merksame på at etter § 25 i offentleglova kan opplysningar om søkjaren verte offentlege sjølv om søkjar oppmodar om ikkje å verte ført opp på søkjarlista. Oppmoding om unnatak må grunngjevast. 

Dersom du har spørsmål om stillingane kan du ta kontakt med rådgivar for kulturarv Henriette Hafsaas eller einingsleiar Geir Holmen.

#Sommarjobb #Sommarjobbivest #Sommerjobbivest

Kontaktinformasjon

Henriette Hafsaas, Rådgivar kulturarv, 40207973, Henriette.Hafsaas@stad.kommune.no
Geir Holmen, Einingsleiar kultur, 90 77 99 33, Geir.Holmen@stad.kommune.no

Arbeidsstad

6740 Selje

Nøkkelinformasjon:

Arbeidsgivar: Stad kommune

Referansenr.: 5082023671
Stillingsprosent: 100%
Sommarjobb
Søknadsfrist: 29.03.2026