Sommarvertar i Selje Prestegard 

Stad kommune søker etter sommarvertar i Selje prestegard i perioden 15.06.2026 - 16.08.2026.

Selje prestegard er eit freda tun som ligg vakkert til midt i Selje sentrum, ved stranda på Seljesanden, butikk og båtruter både til Selja kloster og til Bergen. Her held  Regionalt Pilegrimssenter Selje til, og administrerer mellom anna pilegrimsmottak og turistinformasjon, overnatting med 12 sengeplassar, kafè med enkel servering og utleige av el-syklar.

Regionalt Pilegrimssenter Selje er ein del av Kystpilegrimsleia, der reisande kan følgje over tusen år gamle ferdselsvegar over sjø og land frå Egersund til Trondheim. Selje kloster er ein nøkkelstad og ein viktig stoppestad langs denne ruta.

Jobben som sommarvert består i å ta imot pilegrimar og andre besøkande, formidle informasjon om tilbod og aktivitetar i området, administrere overnatting, sykkelutleige  og enkel servering i kafeen i prestegarden.  

Selje prestegard er open kvar dag kl 10.00 -17.00 i sommarsesongen. Arbeidstida er frå kl 09.45-17.30. Det vil bli tilsett to vertar som arbeider i turnus.

Arbeidsoppgåver

• Bemanne pilegrimssenteret og turistinformasjonen i Selje prestegard og ta imot besøkande på ein god måte.
  
• Informere om Kystpilegrimsleia og om transport, overnatting, opplevingar og tilbod i Selje og regionen.
• Ta imot bestilling av pilegrimsovernatting.
• Klargjering av rom for overnatting og mottak av overnattingsgjestar.
• Administrere enkelt serveringstilbod.
• Sal av suvenirar og føring av statistikk.
• Rydde og halde prestegarden i orden, både inne og ute.

Kvalifikasjonar

• Gjerne erfaring frå servicenæring, overnattings- eller serveringsverksemder.
• Lokalkunnskap om Selje, Stad kommune og regionen er ein fordel.
• Minimum 16 år.
• God IKT-kompetanse.
• God språkkunnskap i norsk og engelsk. Fleire språk er ein fordel.

Personlege eigenskapar

• Sørvisinnstilt og flink til å kommunisere.
• Sjølvstendig, praktisk, nøyaktig og likar ein aktiv kvardag.
• Fleksibel, løysingsorientert og samarbeidsvillig.  

Vi tilbyr

• Ein interessant og triveleg sommarjobb i historiske omgjevnader midt i Selje sentrum.
• Møte med mange nye menneske og moglegheit til å fortelje om ein spennande historisk stad.
• Arbeidstid etter oppsett turnus.
• Løn etter tariff.

Vi ber om at du lastar opp vitnemål, attestar og referansar saman med søknaden. I søknaden må du opplyse om når du kan arbeide. dersom du ikkje kan arbeide heile perioden, ber vi om at du opplyser om dette.

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.

For meir informasjon om stillingane kan du ta kontakt med einingsleiar Tonje Ramse Trædal i Selje regionale pilegrimssenter.

Les meir på www.seljeprestegard.no og www.pilegrimsleden.no 

Kontaktinformasjon

Tonje Ramse Trædal, dagleg leiar Regionalt Pilegrimssenter Selje, 92629512, tonje.traedal@stad.kommune.no
Geir Holmen, Einingsleiar kultur, 90779933, geir.holmen@stad.kommune.no

Arbeidsstad

Nabben 5
6740 Selje

Nøkkelinformasjon:

Arbeidsgivar: Stad kommune

Referansenr.: 5082023935
Stillingsprosent: 100%
Sommarjobb
Startdato: 15.06.2026
Sluttdato: 16.08.2026
Søknadsfrist: 30.03.2026